सातारा/अनिल वीर : शिरढोण, ता.कोरेगाव येथे भिनज्योत तरुण मित्र मंडळ व बौद्धजन महिला मंडळ यांच्या संयुक्त विद्यमाने तथागत भ.गौतम बुद्ध व डॉ.बाबासाहेब आंबेडकर यांच्या मूर्ती प्रतिष्ठापणा जिल्ह्यातील एकमेव भन्ते दिंपकरजी यांच्या मार्गदर्शनाखाली संपन्न झाले.
यावेळी आ.शशिकांत शिंदे व त्यांचे सहकारी,भारतीय बौद्ध महासभेचे माजी जिल्हाध्यक्ष तथा महाविहार बांधकाम समितीचे अध्यक्ष व्ही.आर.थोरवडे यांच्या हस्ते विधिवत कार्यक्रम पार पडला.यावेळी जिल्हा पदाधिकारी भागवत भोसले, आप्पा अडसूळे,विद्याधर गायकवाड, नंदकुमार काळे आदी मान्यवरांसह कोरेगाव तालुकाध्यक्ष अनिल कांबळे आदी विविध क्षेत्रातील पदाधिकारी – कार्यकर्ते उपस्थीत होते.
ध्वजारोहण,मिरवणूक,मूर्ती प्रतिष्ठापणा (शिल्प अनावरण), धम्मदेसना असा समारंभ मोठ्या उत्साहात संपन्न करण्यात आला. आदर्श ग्रामसेविका श्रीमती तृप्ती जाधव यांनी बुद्ध मूर्ती व डॉ.बाबासाहेब आंबेडकर यांची मूर्ती उपसरपंच यदु दामोदर खंडाईत यांनी दिली. यावेळी सामाजिक न्याय विभाग प्रदेश सरचिटणीस रमेश उबाळे,सरपंच सौ.गीतांजली पवार,राष्ट्रवादीचे तालुकाध्यक्ष जयवंत घोरपडे,युवा उद्योजक कामेश कांबळे,प्रगत शेतकरी सचिन घोरपडे,इनामदार, तक्षशिला बौद्ध विहार सामाजिक बहुउद्देशीय संस्थेचे अध्यक्ष सुनील कांबळे,सचिव भाऊसाहेब मोहड, उपाध्यक्ष जगनाथ वाघमारे, खजिनदार प्रवीण सोनावणे, विठ्ठलराव झेले-पाटील, समता सैनिक दल, मान्यवर, ग्रामस्थ, उपासक-उपासिका मोठ्या संख्येनी उपस्थित होत्या.
