देवळाली प्रवरा/ प्रतिनिधी
बांध का फोडला असे विचारल्याने तरुण शेतकऱ्यांच्या डोक्यात खोरं घालून गंभीर जखमी केले आहे.त्या तरुणावर रुग्णालयात उपचार सुरु आहेत. हा प्रकार टाकळीमिया, ता. राहुरी येथे घडला आहे.
याबाबत निलेश बाळासाहेब सोनवणे, वय २९, धंदा- शेती, रा. टाकळीमिया यांनी दिलेल्या फिर्यादीत म्हटले आहे की, दि. १२ डिसेंबर रोजी सकाळी ९ वा. आपण घरी असताना माझे चुलते अशोक मारूती सोनवणे यांना शेताचा बांध का फोडला ? अशी विचारपूस केली. त्यावेळी त्यांच्यासोबतचे बाबासाहेब अशोक सोनवणे, अनिता अशोक सोनवणे हे होते. बांध फोडल्याची विचारपूस केल्याच्या कारणावरून बाबासाहेब अशोक सोनवणे याने त्याच्या हातामधील लोखंडी खोरे माझ्या डोक्यात मारून मला जखमी केले तसेच अशोक मारूती सोनवणे व अनिता अशोक सोनवणे यांनी मला लाथाबुक्क्यांनी मारहाण करून जीवे ठार मारण्याची धमकी दिली. या फिर्यादीवरून राहरी पोलीसात बाबासाहेब सोनवणे, अशोक सोनवणे, अनिता सोनवणे यांच्याविरूद्ध भादंवि कलम ३२३, ३२४, ३४, ५०४, ५०६ प्रमाणे गुन्हा दाखल करण्यात आला आहे. या घटनेत निलेश सोनवणे हा गंभीर जखमी झाला असुन त्याच्यावर रुग्णालयात उपचार सुरु आहेत. पुढील तपास राहुरी पोलीस करीत आहेत.
