पैठण,दिं.१७:पैठण तालुक्यातील टाकळी येथील प्रकाश भिकाजी मुकदुम हे दि . १३ एप्रील पासून बेपत्ता होते . त्यांच्या मृतदेह आज पैठण -छत्रपती संभाजी नगर रस्त्याच्या बाजुला सुरु असलेल्या धनगाव जवळील पाईपलाईन जवळ आढळून आला आहे .
या बाबत एमआयडीसी पोलीस ठाण्याचे सपोनि भागवत नागरगोजे यांच्याकडून मिळालेली माहिती अशी की दि .१३ पासून टाकळी येथील प्रकाश भिकाजी मुकदुम वय ४७ वर्षे हा बेपत्ता असल्याचे पोलिसांना घरच्यांनी कळवले होते . सोमवार दि . १७रोजी चारच्या सुमारास पैठण – छत्रपती संभाजी नगर रस्त्यावर सुरू असलेल्या मोठ्या पाण्याच्या पाईपलाईन च्या बाजूला धनगावच्या पाईपलाईन जवळ मृतदेह आढळून आला .सदरील मृतदेह ग्रामस्थांच्या मदतीने बाहेर काढून पैठण येथील शासकीय रुग्णालयात शवविच्छेदनासाठी नेण्यात आला आहे . पुढील तपास सहाय्यक पोलीस निरीक्षक भागवत नागरगोजे यांच्या मार्गदर्शनाखाली बीट जमादार करर्तार सिग सिंगल ,राजेश चव्हाण करीत आहे .
