सातारा /अनिल वीर – येथील दीपलक्ष्मी नागरी सहकारी पतसंस्था आणि कराओके सिंगर्स क्लब यांच्या संयुक्त विद्यमाने सुपरस्टार राजेश खन्ना व आशा पारेख यांच्यावर चित्रित गीतांचा कार्यक्रम “जिंदगी का सफर” या सदाबहार हिंदी गाण्यांची सुश्राव्य गीत मैफिल कार्यक्रम दीपलक्ष्मी सांस्कृतिक हॉल शनिवार पेठ ,सातारा येथे बुधवार दि.1 मार्च 2023 रोजी सायंकाळी 5.30 वाजता समस्त रसिक श्रोत्यांसाठी आयोजित केला आहे.
सदर कार्यक्रम दिपक खांडके यांच्या हस्ते संपन्न होणार असून कार्यक्रमास प्रमुख पाहुणे म्हणून जितेंद्र माने,बाळासाहेब शिरकांडे, शिरीष चिटणीस,सागर पावसे, विजय साबळे,संस्थेचे व्यवस्थापक विनायक भोसले आदी उपस्थित राहणार आहेत.
“जिंदगी का सफर”
या हिंदी गीतांची सुश्राव्य गीत मैफिलीची संकल्पना विजय साबळे यांची असून सदर कार्यक्रमात, ” विजय साबळे यांच्यासह आझाद कादरभाई, सुहास पाटील, नागेंद्र पाटील, सुधीर चव्हाण, चंद्रशेखर बोकील, राजेश जोशी,बापूलाल सुतार, शिवकुमार,आग्नेश शिंदे,मंजुषा पोतनीस,स्मिता शेरकर, सुप्रिया चव्हाण, सुनिता शालगर ,कविता शिवकुमार,दिपाली घाडगे,सुषमा बगाडे आदी गायक कलाकार सहभाग घेणार असून सदर कार्यक्रमाचे निवेदन सुहास पाटील करणार आहेत. तसेच सदर कार्यक्रमास सचिन शेवडे यांची ध्वनी व्यवस्था लाभणार आहे.
रसिक श्रोत्यांसाठी,संगीत प्रेमींसाठी, विनामूल्य आयोजित केला असून त्याचा लाभ व आस्वाद घ्यावा.असे आवाहन संस्थेचे व्यवस्थापक विनायक भोसले व विजय साबळे यांनी केले आहे.
