सातारा/अनिल वीर : सर्व वृत्तपत्र प्रतिनिधी व इलेक्ट्रॉनिक मीडिया प्रतिनिधी यांच्यासाठी शनिवार दि.५ रोजी पत्रकार दिनाचे आयोजन करण्यात आले आहे. जिल्हा माहिती कार्यालय , सातारा व जिल्हा पत्रकार संघ यांच्या संयुक्त विद्यमाने ६ जानेवारी पत्रकार दिनानिमित्त वृत्तपत्र सृष्टीचे जनक ‘दर्पण’कार आचार्य बाळशास्त्री जांभेकर यांच्या प्रतिमेस पुष्पहार अर्पण करून अभिवादन कार्यक्रमाचे आयोजन करण्यात आले आहे.
सदरच्या कार्यक्रमासाठी प्रमुख पाहुणे समीर शेख (जिल्हा पोलीस अधीक्षक)असून कार्यक्रमाचे अध्यक्ष हरिष पाटणे (विभागीय अधिस्वीकृती समितीचे अध्यक्ष)आहेत.तेव्हा विविध मान्यवर उपस्थित राहत असून सर्व वृत्तपत्रांचे प्रतिनिधी, इलेक्ट्रॉनिक मीडियाचे प्रतिनिधी, विविध पदाधिकारी यांनी या कार्यक्रमासाठी उपस्थित राहावे. असे नम्र आवाहन संयोजकांनी केले आहे.जिल्हा माहिती अधिकारी, बळीराजा सभागृह (जिल्हा माहिती कार्यालया नजिक, मध्यवर्ती प्रशासकीय इमारत, पहिला मजला) येथे सकाळी 11.30 वा.संबधितांनी उपस्थित रहावे. असेही आवाहन करण्यात आले आहे.
