सातारा : लोकमंगल ग्रुप शिक्षण संस्थेच्या संचालिका तथा शाहूपुरी – गेंडामाळ हायस्कुलच्या कलाशिक्षिका सौ.शिल्पा शिरीष चिटणीस यांच्या सेवानिवृत्तीनिमित्त गेंडामाळ व नागेवाडी येथे सत्काराचे आयोजन करण्यात आले.
सकाळी १०.२० वा. शाहूपुरी-गेंडामाळ येथील लोकमंगल हायस्कुलमध्ये सेवानिवृत्तीचा कार्यक्रम होणार आहे.यावेळी ज्येष्ट रंगकर्मी श्रीकांत देवधर व बंधुत्व प्रतिष्ठानचे संस्थापक अनिल वीर यांच्या प्रमुख उपस्थितीत होणाऱ्या कार्यक्रमाचे अध्यक्षस्थान संस्थेचे संस्थापक – अध्यक्ष शिरीष चिटणीस भूषवणार आहेत.दुपारी ३ वा. नागेवाडी-कुशी येथील संस्थेच्या शाळेत पर्यावरण अभ्यासक डॉ.संदीप श्रोत्री, साहित्यिक डॉ.राजेंद्र माने व संस्थेचे सर्वेसर्वा शिरीष चिटणीस यांच्या प्रमुख उपस्थितीत कार्यक्रमाचे आयोजन करण्यात आले आहे.याकामी, मुख्याध्यापिका,शिक्षक,शिक्षकेत्तर कर्मचारीवृंद व अध्ययनार्थी अथक असे परिश्रम घेत आहेत.
