देशमुखनगर : नागठाणे भाग पत्रकार बहुउद्देशीय संघातर्फे शुक्रवारी (ता. सहा) गुणवंतांना पुरस्कार वितरण व दिनदर्शिका प्रकाशन सोहळ्याचे आयोजन करण्यात आले आहे.
आमदार शिवेंद्रसिंहराजे भोसले,आमदार महेश शिंदे, महाराष्ट्र राज्य पत्रकार संघाचे उपाध्यक्ष शरद काटकर, सातारा जिल्हा पत्रकार संघाचे अध्यक्ष हरिष पाटणे, दै. सकाळचे सहयोगी संपादक राजेश सोळसकर, दै. पुण्यनगरीचे संपादक विनोद कुलकर्णी, दै.तरुण भारतचे संपादक दीपक प्रभावळकर यांच्या उपस्थितीत हा कार्यक्रम होणार आहे. मनोज घोरपडे, धैर्यशील कदम, डाॅ. माणिक शेडगे, सहायक पोलिस निरीक्षक डाॅ. सागर वाघ, चेतन मछले यांचीही कार्यक्रमास उपस्थिती आहे. राजू भोसले, यशवंत साळुंखे, धनंजय शेडगे, संजय घोरपडे, प्रवीण पाटील, राजेंद्र घाडगे, भरत देशमुख, संजय निकम, विशाल कणसे, जयवंत कुंभार, संतोष कणसे, राहुल गायकवाड, संग्राम बर्गे, सुधीर ठोके, किरण येवले, संतोष घाडगे, मनोज देशमुख आदींचीही उपस्थिती आहे.
कार्यक्रमात जितेंद्र कणसे यांचा क्रिडारत्न, सतीश काटकर यांचा कृषिरत्न, नितीन साळुंखे यांचा उद्योगरत्न पुरस्काराने गोैरव होणार आहे. धावपटू अनुष्का कुंभार हिच्यासह परिसरातील नव्याने निवडून आलेल्या सरपंचांनाही या वेळी सन्मानित केले जाणार आहे.
निसराळे फाटा येथील श्रीपती मंगल कार्यालयात सायंकाळी पाच वाजता हा कार्यक्रम होणार आहे. परिसरातील विविध संस्थांच्या पदाधिकांऱ्यानी कार्यक्रमास उपस्थित राहण्याचे आवाहन अध्यक्ष विकास जाधव, उपाध्यक्ष दत्ता घाडगे, सचिव सत्यनारायण शेडगे यांनी केले आहे.
