सातारा दि .17 : केंद्रीय सैनिक बोर्ड व आंध्र विद्यापीठयांच्यात कला शाखेतून बीए (HRM) पदवी प्रमाणपत्र प्राप्त करुन देण्यासाठी करार झालेला आहे. हे पदवी प्रमाणपत्र केंद्र व राज्य सरकार तसेच इतर सार्वजनिक उपक्रमाच्या नोकरीसाठी मान्यताप्राप्त आहे. देशाच्या रक्षणासाठी आपल्या तरुणाईच्या आयुष्याचा मोठा भाग समर्पित करणऱ्या सैनिकांना नोकरीसाठी शैक्ष्णिक क्षेत्रात सशक्त बनवणे हा उदे्दश आहे. माजी सैनिकास निवृत्तीच्या वेळी प्राप्त झालेले शैक्षिण्क प्रमाणपत्र काही संस्था मान्य करत नाहीत.
त्यामुळे आंध्र विद्यापीठाशी झालेल्या कराराद्वारे माजी सैनिकास विविध नोकऱ्यांसाठी पात्र होण्यासाठी तसेच सक्षम करण्यासाठी आंघ्र विद्यापीठाद्वारे कला शाखेतून बीए (HRM) पदवी प्रमाणपत्र देण्याची तरतूद करण्यात आली आहे. याचा माजी सैनिकांनी लाभ घ्यावा.
माजी सैनिकांसाठी कला शाखेतून पदवी प्रमाणपत्र मिळण्यासाठी पात्रता व अटी- अर्जदार माजी सैनिक असावा. अर्जदाराचे शिक्षण इयत्ता 12 वी किंवा समतुल्य शिक्षण किंवा भारतीय आर्मी,नेव्ही, एअर फोर्स द्वारा प्राप्त शिक्षणाचे विशेष प्रमाणपत्र. माजी सैनिकांची सेवा पंधरा वर्षापेक्षा कमी नसावी. दि. 1 जानेवारी 2010 नंतर निवृत्त झलेला असावा. माजी सैनिक इयत्ता 10 वी पास असेल तर अशा उमेदवाराना 5 वर्षाचा अभ्यासक्रम 2 वर्ष 12 वी व 3 वर्ष 10 वी पदवी लागु राहील.या अभ्यासक्रमाची कोर्स फी रुपये 12 हजार 500 असुन अर्जदाराने आपले अर्ज फक्त एप्रिल किंवा ऑक्टोबर महिन्यातच संबंधित जिल्हा सैनिक कल्याण कार्यालयात सादर करावेत. अधिक माहितीसाठी www.ksb.gov.inया संकेतस्थळी भेट द्यावी.किंवा संबंधित जिल्हा सैनिक कल्याण कार्यालयास भेट द्यावी,असे जिल्हा सैनिक कल्याणअधिकारी, हे कळवितात.
