सातारा/अनिल वीर : परीवाराच्या सुखासाठी झटणाऱ्या बापाची हृदयस्पर्शी गोष्ट घोडा प्रेक्षकांच्या भेटीला येत आहे. मुलाची इच्छा पूर्ण करण्यासाठी अहोरात्र मेहनत करून धडपडणाऱ्या वडिलांची वडील मुलांच्या नात्यांची विलक्षण गोष्ट घोडा या चित्रपटातून प्रेक्षकांसमोर येणार आहे.
बांधकाम मजुराचा मुलगा शेजारी राहणाऱ्या मुलासाठी आणलेला घोडा पाहून तसाच घोडा आणण्याची मागणी करतो. आर्थिक परिस्थिती बिकट असलेल्या त्याचे वडील मुलाची इच्छा पूर्ण करतात का ? हे पाहण्यासाठी जवळच्या चित्रपटामध्ये कुटुंबासह जाऊन बघावा असा हा चित्रपट आहे. अनेक महोत्सवामध्ये या चित्रपटाचे कौतुक झालेले असून अभिनेते कैलास वाघमारे, अर्चना महादेव दिलीप धनवडे, राहुल बेलापूरकर, शिवराज नाळे, देवेंद्र देव, प्रफुल्ल कांबळे, वज्र पवार, अनिल वनवे असून टी. महेश यांनी निर्मिती केली आहे सह निर्माते उमेशचंद्र शिंदे,तर दिग्दर्शक टी. महेश
असून जमिर अत्तार यांनी कथा गीत लेखन केले आहे. तर संवाद लेखन निलेश महिगावकर यांनी केले आहे. छायांकन योगेश एम. कोळी यांनी तर रोहन पाटील यांनी संकलन केले आहे.
