फलटण प्रतिनिधी :
बुधवार दि.. 11 जानेवारी रोजी सातारा जिल्ह्यातील 22 पोलीस अधिकाऱ्यांच्या बदल्या करण्यात आल्याची माहिती सातारा जिल्हा पोलीस अधीक्षक शेख यांनी दिली आहे. त्यामध्ये सातारा शहर वाहतूक शाखेचे पोलीस निरीक्षक विठ्ठल अरुण शेलार यांची मसूरला बदली झाली आहे. तळबीड पोलीस ठाण्याच्या सोपोनि जयश्री पाटील यांची सातारा जिल्हा वाहतूक शाखेत, तर कराड शहर पोलीस ठाण्याचे सपोनि राहुल वरोटे यांची तळबीड पोलीस ठाणे येथे प्रभारी म्हणून बदली करण्यात आली आहे. सपोनि अजय गोरड यांना उंब्रज पोलीस ठाणे येथे मुदतवाढ मिळाली आहे.
सातारा शहर पोलीस ठाण्याचे सपोनि राजेश माने यांची पाचगणी पोलीस ठाणे येथे प्रभारी, सातारा स्थानिक गुन्हे शाखेचे सपोनि संतोष तासगावकर यांची मेढा पोलीस ठाणे येथे प्रभारी, सातारा स्थानिक गुन्हे शाखेचे रमेश गरजे यांची भुईंज पोलीस ठाणे येथे प्रभारी, सातारा तालुका पोलीस ठाण्याचे सपोनि अभिजीत चौधरी यांची ढेबेवाडी पोलीस ठाणे प्रभारी, शाहूपुरी पोलीस ठाण्याचे सपोनि अभिजीत यादव यांची सातारा शहर वाहतूक नियंत्रण शाखेत प्रभारी, ढेबेवाडी पोलीस ठाण्याचे सोपोनि संतोष पवार यांची सातारा येथील स्थानिक गुन्हे शाखा, सातारा येथील नियंत्रण कक्षातील सपोनि धोंडीराम वाळवेकर यांची सातारा येथील मानवी संसाधन पोलीस कल्याण येथे बदली झाली आहे.
पाचगणी पोलीस ठाण्याचे सपोनि सतीश पवार यांची सातारा येथील आर्थिक गुन्हे शाखा, सातारा शहर पोलीस ठाण्याचे सपोनि संदीप मोरे यांची कराड शहर पोलीस ठाणे, कराड शहर पोलीस ठाण्याचे सपोनि अमित बाबर यांची शाहुपुरी पोलीस ठाणे, वाई पोलीस ठाण्याचे सपोनि रवींद्र तेलतुंबडे यांची बोरगाव पोलीस ठाणे येथे प्रभारी, मेढा पोलीस ठाण्याचे अमोल माने यांची सातारा येथील सायबर पोलीस ठाणे, कराड शहर पोलीस ठाण्याचे सपोनि विजय गोडसे यांची फलटण ग्रामीण पोलीस ठाणे, साताऱ्यातील नियंत्रण कक्षातील सपोनि शिवाजीराव विभूते यांची कराड शहर पोलीस ठाणे, भुईंज पोलीस ठाण्याचे सपोनि आशिष कांबळे यांची पोलीस उपविभागीय कार्यालय वाई विभाग येथे पुसेगाव पोलीस ठाण्याचे सपोनि संदीप शितोळे यांची सातारा येथील जिल्हा विशेष शाखेत, सातारा येथील भरोसा सेलचे सपोनि अनिता दिनकर यांची सातारा तालुका पोलीस ठाणे आणि सातारा येथील नियंत्रण कक्षातील शाहीर पोलीस निरीक्षक आरती नांदेकर यांची सातारा येथीलस्थानिक गुन्हे शाखा अंतर्गत भरोसा सेल येथे बदली झाली आहे.
