वाई : पाचगणी रस्त्यावर पसरणी घाटात एस टी बसचे ब्रेक फेल होऊन झालेल्या अपघातात एक महिला ठार झाली.दुचाकीचे पूर्ण नुकसान झाले.प्रीती योगेश बोधे (वय ४०)रा पाचगणी असे मृत महिलेचे नाव आहे.आज सायंकाळी सातच्या सुमारास पसरणी घाटातून पाचगणी येथील योगेश दामोदर बोधे व पत्नी प्रीती दोघे दुचाकीवरून पाचगणीला जात होते.यावेळी यावेळी बुवासाहेब मंदिरा नजीक स्वारगेटहुन महाबळेश्वरला बस जात होती.
पुढे जाणाऱ्या बसचे ब्रेक फेल झाल्याने ती उतारणे वेगात मागे आली.त्याखाली बोधे यांची दुचाकी जाऊन झालेल्या अपघातात प्रीती बोधे या गंभीर जखमी झाल्या. त्यांना उपचारासाठी खाजगी रुग्णालयात उपचारासाठी हलविण्यात आले. उपचारापूर्वी त्यांचा मृत्यू झाला.या घटनेची नोंद झाली आहे.प्रीती किसन वीर महाविद्यालयात कनिष्ठ महाविद्यालय विभागात प्राध्यापक होत्या .पती योगेश पाचगणी येथील सेंट पीटर निवासी हायस्कुल मध्ये शिक्षक आहेत.वाई येथील डी मार्ट मध्ये साहित्य घेऊन ते दोघे पाचगणीला जात होत्या.
