प्राथ.शिक्षक सतेशकुमार माळवे राज्यस्तरीय साहित्यरत्न व महाराष्ट्र भूषण पुरस्काराने सन्मानित
गोंदवले – श्रीरामाच्या पवित्र पावन अशा नाशिक नगरीत वंजारी महासंघ महाराष्ट्र राज्याच्या साहित्यिक आघाडीने आयोजित केलेल्या एक दिवसीय राज्यस्तरीय वंजारी समाज बांधवांच्या साहित्य संमेलनाची नुकतीच सांगता झाली आहे.या साहित्यिक संमेलनासाठी राज्यातील अनेक वंजारी समाजाच्या साहित्यिकांनी आपली हजेरी लावली होती.विशेष म्हणजे या साहित्यिक संमेलनाकरिता इतर राज्यातूनही अनेक वंजारी समाज बांधव आवर्जून उपस्थित होते.
संमेलनाच्या सुरुवातीला ग्रंथदिंडीचे आयोजन करण्यात आले होते. या साहित्यिक संमेलनात परिसंवाद,कथा-कथन व कविसंमेलनाचाही समावेश करण्यात आला होता.सुरुवातीला मंगलमय व प्रसन्न अशा वातावरणात मान्यवर साहित्यिक आणि प्रमुख पाहुण्यांच्या शुभहस्ते दीप प्रज्वलाने या संमेलनाचे उदघाटन करण्यात आले. उदघाटनाच्या सोहळ्यानंतर प्रख्यात आणि नामवंत साहित्यिकांना यावेळी साहित्यिक पुरस्कार देऊन गौरविण्यात आले.
यावेळी सातारा जिल्हा माण तालुक्यातील जिल्हा परिषद प्राथमिक शाळा आदर्श गाव लोधवडेचे एक होतकरू,उपक्रमशील आणि साहित्यिक क्षेत्रात कार्यरत असणारे प्राथमिक शिक्षक मा.सतेशकुमार मारुती माळवे यांना संमेलनाध्यक्ष मा.प्रा.वा.ना.आंधळे, विदर्भ रत्न मा.बाबारावजी मुसळे, प्रशांतजी आंधळे,ह.भ.प.तुळशीराम महाराज गुट्टे, उद्योगपती बुधाजीराव पानसरे , वंजारी महासंघाचे संस्थापक अध्यक्ष मा.गणेश खाडे,काकासाहेब खंबाळकर,गुजरातमधील जेष्ठ विचारवंत बबनरावजी खाडे , मारोतीराव उगले, डॉ विजय दहिफळे, डॉ लक्षराज सानप, खासदार डॉ. प्रीतम ताई मुंडे यांच्या सासूबाई कांचनताई खाडे,चंद्रभान नागरे, जळगावच्या डॉ.मजुषा दराडे ,जेष्ठ साहित्यिका सिंधुताई दहिफळे,आदि मान्यवरांचा साक्षीने व शुभ हस्ते नाशिकच्या रावसाहेब थोरात सभागृहात साहित्यिक सतेशकुमार माळवे यांना मानाची शाल,पुष्पगुच्छ व साहित्यिक सन्मानचिन्हाने राज्यस्तरीय साहित्यरत्न व महाराष्ट्र भूषण पुरस्कार देवून सन्मानीत करण्यात आले.
सतेशकुमार माळवे यांना मिळालेल्या या राज्यस्तरीय साहित्यिक पुरस्काराने एका प्रख्यात अशा माणदेशी साहित्यिक रत्नाचा फार मोठा सन्मान झाला आहे. त्यांना मिळालेल्या या पुरस्काराने सध्या त्यांच्यावर सर्वच स्तरातून फार मोठ्या प्रमाणात अभिनंदनाचा वर्षाव होत आहे
