संगमनेर : विधान परिषदेतील सर्वात लक्षवेधी व बहुचर्चित ठरलेल्या नाशिक पदवीधर मतदारसंघाच्या निवडणुकीत मोठ्या मताधिक्याने विजयी झालेले अपक्ष उमेदवार आमदार सत्यजित तांबे यांच्या सत्कारासाठी उत्तर महाराष्ट्रातील पाच जिल्ह्यांसह राज्यभरातील विविध पक्षांच्या कार्यकर्त्यांनी त्यांच्या प्रभा या निवासस्थानी काल शुक्रवारी मोठी गर्दी केली होती.
संगमनेरातील इंदिरानगर परिसरातील प्रभा या आमदार सत्यजित तांबेे यांच्या निवासस्थानी काल सकाळपासूनच राज्यभरातील तरुण कार्यकर्त्यांसह संगमनेर तालुका ,अहमदनगर जिल्ह्यातील कार्यकर्ते मोठ्या संख्येने उपस्थित होते या प्रसंगी माजी आमदार डॉ. सुधीर तांबे, नगराध्यक्षा सौ दुर्गाताई तांबे, मैैथिली तांबे हे उपस्थित होते. सर्व कार्यकर्त्यांचे तांबे परिवाराने स्वागत करून यावेळी आभार मानले. दरम्यान नाशिक पदवीधर मतदारसंघातून भरघोस मतांनी विजयी झाल्यानंतर नवनिर्वाचित आमदार सत्यजित तांबे यांनी आजोबा स्व.सहकार महर्षी भाऊसाहेब थोरात यांच्या सहकार महर्षी भाऊसाहेब थोरात सहकारी साखर कारखाना कार्यस्थळावरील प्रेरणास्थळ येथे जात त्यांचे आशीर्वाद घेतले व त्यांच्या स्मृतीस अभिवादन केले. काल दिवसभर आमदार सत्यजित तांबे हे आपल्या प्रभा या निवासस्थानी थांबून होते.
