देवळाली प्रवरा /प्रतिनिधी
जगाच्या पाठीवर प्रथमच नर्मदेच्या कुशीत मध्यप्रदेशमध्ये संत कवी महिपती महाराजांच्या भक्त विजय ग्रंथाचे पारायण सोहळा संपन्न होणार आहे.
श्री क्षेत्र ताहाराबादचे सुपुत्र नर्मदा कृपांकित नवनाथ महाराज आहेर व त्यांच्या सुविद्य पत्नी रामायणाचार्य नर्मदा पुराण कथाकार सीमाताई महाराज आहेर यांनी अधिकमास निमित्ताचे औचित्य साधून यावर्षी सर्व साधकांना पुण्यसंचय व्हावा, यासाठी सर्व नर्मदा कृपांकीत वारकरी परिवारच्या आग्रहास्तव सप्ताहाचे आयोजन केले आहे.श्री संत कवी महिपती महाराजांच्या वाड्मयचा प्रचार- प्रसार व्हावा, ज्यांनी आपल्या लेखणीतून सकल संतांना अद्यावत चिरकाल जीवंत ठेवले व २८४संतांचे चरित्र लिहिले असे श्री संत कवी महिपती महाराज यांच्या ग्रंथाचे पारायण नर्मदा किनारी करण्याचं महत्त्वपूर्ण कारण, म्हणजे भक्तविजय ह्या ग्रंथाची मूळ निर्मिती मध्यप्रदेश मधील ग्वाल्हेर या ठिकाणी साक्षात ब्रह्मदेवाचा अवतार असणारे श्री संत नाभाजी यांनी ग्वाल्हेरी भाषेतून केली. त्यानंतर संत कवी महिपती महाराजांना जगद्गुरु संत तुकाराम महाराजांचा कवित्व करण्यासाठी अनुग्रह झाला. त्यानंतर महिपती महाराजांनी सकल संत संप्रदाय यांचा अभ्यास करून ती संत चरित्र मराठी भाषेत लिहून प्रत्यक्ष पांडुरंगाला ऐकवत, त्यानंतर पांडुरंगाने त्यावर शिक्का मोर्तब करावा.मग ते संत चरित्र जगासमोर महाराजांनी ठेवाव, असे २८४ संतांची चरित्र संत महिपतींनी लिहिले.
संत महिपतींचे कालांतराने महानिर्वाण झालं निर्वाणानंतर महाराजांची पहिली पुण्यतिथी बरोबर २६ वर्षानंतर अहिल्याबाई होळकरांच्या घराण्यातील दुसरे मल्हारराव यांनी साजरी केली. होळकर घराण्यातील कर्तबगार थोर योद्धा मराठा वीर अहिल्याबाई होळकर यांची समाधी नर्मदा किनारी आहे.नर्मदेच्या किनारी त्या अहिल्याबाई होळकरांच्या समोरच काहीतरी ऋणानुबंध म्हणून या संत कवी महिपती महाराजांच्या भक्तविजय ग्रंथाचे पारायण नर्मदामाईच्या कुशीत व अहिल्याबाई होळकरांच्या पदस्पर्शाने पावन झालेल्या पवित्र भूमीत उतराई होण्यासाठी या सप्ताहाचे नियोजन -आयोजन केले आहे.
अधिकमास पर्वणीचा विशेष लाभ व्हावा ,नर्मदेचे स्नान व दर्शन घडावं, या हेतूने आयोजन केले. सप्ताहामध्ये, पहाटे ४ते ६काकडा भजन, ७ ते ११ भक्तविजय ग्रंथाचे पारायण, दुपारी ३ते ५ या वेळेत रामायणाचार्य नर्मदापुराण कथा प्रवक्त्या नर्मदाकृपांकित सीमाताई महाराज आहेर (मैय्या) यांच्या रसाळ वाणीतून सुश्राव्य संगीतमय नर्मदा पुराण कथा, हरिपाठ नंतर किर्तन सेवा होईल. मंगळवार दि. ८ ऑगस्ट २०२३ रोजी सप्ताहास प्रारंभ होत असून बाल कीर्तनकार कु.वैष्णवीताई नरोडे,उषाताई महाराज वाघ, चंद्रकलाताई महाराज सातपुते, हर्षलताई महाराज मगर,सीमाताई महाराज आहे,कु.गौरीताई महाराज गंगावणे, उत्तम महाराज गुंड व मंगळवार दि.१५ ऑगस्ट २०२३ रोजी सकाळी ८ते१०वा. राघव नर्मदा परिक्रमा व राघव नर्मदा कृपांकित अन्नक्षेत्राचे संचालक नवनाथ महाराज आहेर यांचे काल्याचे किर्तन होऊन महाप्रसादाने सप्ताहाची सांगता होईल. सर्व भाविकांनी ह्या ज्ञानदान व अन्नदान यज्ञात सहभागी होण्याचे आवाहन नवनाथ महाराज आहेर व सीमाताई महाराज आहेर यांनी केले आहे .
