सर्व गुण संपन्न तू
सकल क्षेत्री व्याप्ती
सार्थक बौद्धधर्मीय
तथागताची रे शक्ती …
जाळले मनूस्मृतीला
अंधत्व श्रध्दा मुक्ती
हाडाचे शिक्षक जरी
अखंडित ज्ञानप्राप्ती….
भाकरी परी पुस्तका
अजब तुमची भक्ती
अर्थशास्त्रीय गणिती
सार्थ ठरवली उक्ती…
महिला सबलीकरण
हवीयं कायदा सक्ती
बळीराजा सुखी हवा
आता कळतेआसक्ती…
आपणासम राजकर्ते
सदैव बसवावे तख्ती
कितीकाय केले कार्य..
प्रिय कामगारां प्रति
आंदोलना दिशा देती
जनसेवा उसळे रक्ती
संविधान खास ठेवा
दिला अतुल्य संपत्ती…
आठवते तुझी मुर्ती
कधीही येता आपत्ती
दुजे कुणी ना जगती
बाबा रमाबाई दंपत्ती..
– हेमंत मुसरीफ पुणे.
9730306996..
