आजचा दिवस Today’s Horoscope
शके १९४५, शोभननाम संवत्सर, मार्गशीर्ष कृष्ण षष्ठी, मंगळवार , दि. २ जानेवारी २०२४, चंद्र – सिंह राशीत सायं. ६ वा. २९ मि. पर्यंत नंतर कन्या राशीत, नक्षत्र – पूर्वा सकाळी ११ वा. ४२ मि. पर्यंत नंतर ,उत्तरा, सुर्योदय- सकाळी ०७ वा. १३ मि. , सुर्यास्त- सायं. ६ वा. १२ मि.
नमस्कार आज चंद्र सिंह राशीत रहाणार आहे. आजचा दिवस सायं. ५ पर्यंत चांगला दिवस आहे. आज चंद्र – मंगळ व चंद्र – बुध केंद्रयोग होत आहे. आजचा दिवस मेष, वृषभ, मिथुन, कर्क, सिंह, तुला, वृश्चिक, धनु व कुंभ या राशींना अनुकूल तर कन्या, मकर व मीन या राशींना प्रतिकूल जाईल.
दैनंदिन राशिभविष्य
मेष : वरिष्ठांचे सहकार्य लाभणार आहे. मनोबल उत्तम राहील. बौद्धिक व कला क्षेत्रातील व्यक्तींना सुयश लाभणार आहे. चिकाटीने कार्यरत राहून दैनंदिन कामे यशस्वी कराल.
वृषभ : तुमचा प्रभाव वाढणार आहे. सार्वजनिक क्षेत्रात मानसन्मानाचे योग येतील. काहींना अधिकार प्राप्त होईल. नोकरीत तुमचा दबदबा राहील. प्रवास सुखकर होणार आहेत.
मिथुन : प्रवासाचे योग येतील. तुमचे कार्यक्षेत्र अधिक व्यापक होणार आहे. जिद्द वाढणार आहे. नातेवाईकांचे सहकार्य लाभेल. मनोबल व आत्मविश्‍वास वाढविणारी घटना घडेल.
कर्क : आर्थिक कामास अनुकूलता लाभणार आहे. तुमचा इतरांवर प्रभाव राहील. कामाचा ताण कमी होईल. तुम्ही आपली मते इतरांना पटवून देण्यात यशस्वी व्हाल. कौटुंबिक स्वास्थ्य लाभेल.
सिंह : आज तुम्ही विशेष उत्साही असणार आहात. मनोबल व स्वास्थ्य उत्तम राहील. आरोग्याचा ताण कमी होईल. जोडीदाराचे उत्तम सहकार्य लाभेल. प्रवासाचे योग येतील.
कन्या : काहींना नैराश्य जाणवणार आहे. प्रवासात शक्यतो काळजी घ्यावी. वाहने सावकाश चालवावीत. मानसिक अस्वस्थता राहणार आहे. इतरांचा तुम्हाला त्रास होईल.
तुळ : आर्थिक लाभ होणार आहेत. व्यवसायातील आर्थिक कामे यशस्वी होतील. आरोग्य उत्तम राहील. जुन्या आठवणींना उजाळा मिळेल. जुने मित्रमैत्रिणी भेटतील. अनेकांचे सहकार्य लाभेल.
वृश्चिक : आनंदाने व उत्साहाने कार्यरत राहणार आहात. कौटुंबिक स्वास्थ्य व समाधान लाभेल. मानसिक प्रसन्नता देणार्‍या काही घटना घडतील. चिकाटी वाढणार आहे.
धनु : तुमच्या कार्यक्षेत्रात अपेक्षित सुसंधी व प्रसिद्धी लाभणार आहे. मनोबल उत्तम राहील. चिकाटी वाढेल. प्रवास सुखकर होणार आहेत. जिद्दीने व चिकाटीने कार्यरत राहणार आहात.
मकर : प्रकृती अस्वस्थता जाणवेल. आजचा तुमचा दिवस विनाकारण वाया जाण्याची शक्यता आहे. अनावश्यक कामे करावी लागतील. स्वास्थ्य व समाधान कमी राहील.
कुंभ : वैवाहिक सौख्य लाभेल. भागीदारी व्यवसायात फायदा होईल. आरोग्य उत्तम राहणार आहे. मनोबलाच्या जोरावर कार्यरत रहाल. दैनंदिन कामे यशस्वी होणार आहेत.
मीन : विनाकारण आर्थिक नुकसान संभवते. दैनंदिन आर्थिक व्यवहार काळजीपूर्वक करावेत. काहींना आरोग्याच्या तक्रारी जाणवणार आहेत. अनावश्यक कामे करावी लागतील.
आज मंगळवार, आज दुपारी ३ ते ४.३० या वेळेत राहु काल आहे. या काळात प्रवास, प्रयाण, नविन व्यवहार, सरकारी कामे, महत्त्वाच्या गाठीभेटी इ. कामे वर्ज्य करावीत.
जन्मपत्रिकेवरुन वैयक्तिक मार्गदर्शन, विवाह गुणमेलन, भाग्यकारक रत्ने याकरिता संपर्क साधा- गार्गी ज्योतिषालय, सातारा- ९८२२३०३०५४
