अहिल्यानगर/ सातारा : संपूर्ण राज्याला प्रतीक्षा लागून राहिलेली पालकमंत्र्यांची आज घोषणा अखेर करण्यात आली. यामध्ये अहिल्यानगर राधाकृष्ण विखे पाटील तर शंभूराज देसाई साताऱ्याचे पालक मंत्रीपदी निवड करण्यात आली तर अपेक्षेप्रमाणे मस्साजोग सरपंचाच्या हत्येच्या प्रकरणामुळे वादात सापडलेले धनंजय मुंडे यांना पालक मंत्री यादीतून वगळण्यात आले आहे . मुख्यमंत्री देवेंद्र फडणवीस यांनी गडचिरोलीची जबाबदारी स्वतःकडं ठेवली आहे
उपमुख्यमंत्री अजित पवार यांच्याकडं पुण्यासह सध्या चर्चेत असलेल्या बीडच्या पालकमंत्रीपदाची जबाबदारी देण्यात आली आहे. तर एकनाथ शिंदे यांच्याकडं मुंबई शहरासह ठाण्याच्या पालकमंत्रीपदाची जबाबदारी देण्यात आली आहे. पालकमंत्रिपदावरून महायुतीतल्या तिन्ही मुख्य पक्षांमध्ये रस्सीखेच सुरू असल्याचं दिसून आलं होतं. आपल्यालाच पालकमंत्रिपद मिळावं म्हणून शर्यत आणि त्यातून मग मतभेद असं नाट्यही पाहायला मिळालं.
४२ मंत्र्यांपैकी ३४ मंत्र्यांनाच पालकमंत्री पद मिळाली आहेत. यामध्ये धनंजय मुंडे, भरत गोगावले, योगेश कदम आणि ईतर मंत्र्यांना एकाही जिल्ह्याचं पालकमंत्रिपद नाही.तर पुण्याच्या पालकमंत्रिपदावर उपमुख्यमंत्री अजित पवार आणि मंत्री चंद्रकांत पाटील यांच्यात रस्सीखेच असताना ते अजित पवारांकडं आपल्या कडे राखण्यात यशस्वी झाले आहेत.
पालकमंत्र्यांची संपूर्ण यादी (जिल्हानिहाय)
- गडचिरोली – देवेंद्र फडणवीस
- ठाणे – एकनाथ शिंदे
- मुंबई शहर – एकनाथ शिंदे
- पुणे – अजित पवार
- बीड – अजित पवार
- नागपूर – चंद्रशेखर बावनकुळे
- अमरावती – चंद्रशेखर बावनकुळे
- अहिल्यानगर – राधाकृष्ण विखे-पाटील
- वाशिम – हसन मुश्रीफ
- सांगली – चंद्रकांत पाटील
- नाशिक – गिरीश महाजन
- पालघर – गणेश नाईक
- जळगाव – गुलाबराव पाटील
- यवतमाळ – संजय राठोड
- मुंबई उपनगर – ॲड. आशिष शेलार, मंगलप्रभात लोढा (सह-पालकमंत्री)
- रत्नागिरी – उदय सामंत
- धुळे – जयकुमार रावल
- जालना – पंकजा मुंडे
- नांदेड – अतुल सावे
- चंद्रपूर – अशोक उईके
- सातारा – शंभूराज देसाई
- रायगड – आदिती तटकरे
- लातूर – शिवेंद्रसिंह भोसले
- नंदुरबार – माणिकराव कोकाटे
- सोलापूर – जयकुमार गोरे
- हिंगोली – नरहरी झिरवाळ
- भंडारा – संजय सावकारे
- छत्रपती संभाजीनगर – संजय शिरसाट
- धाराशिव – प्रताप सरनाईक
- बुलढाणा – मकरंद जाधव (पाटील)
- सिंधुदुर्ग – नितेश राणे
- अकोला – आकाश फुंडकर
- गोंदिया – बाबासाहेब पाटील
- कोल्हापूर – प्रकाश आबिटकर, माधुरी मिसाळ (सह-पालकमंत्री)
- गडचिरोली – ॲड. आशिष जयस्वाल (सह-पालकमंत्री)
- वर्धा – डॉ. पंकज भोयर
- परभणी – मेघना बोर्डीकर
