जवळा संरपचपदी सुशील आव्हाड तर मतेवाडीचे संरपचपदी तात्या कसरे, मुंजेवाडी संरपच पदी राणी महानवर
जामखेड तालुका प्रतिनिधी :- जामखेड तालुक्यातील तिसऱ्या क्रमांकावर असलेल्या जवळा ग्रामपंचायत निवडणुकीत सत्ताधारी युवा नेते प्रशांत शिंदे यांच्या मंडळाने सरपंचपद व सदस्याच्या १५ पैकी १० जागा जिंकून सत्ता राखली तर सरपंच पदी पंचायत समितीचे माजी सभापती सुभाष आव्हाड यांचे पुत्र सुशील आव्हाड यांनी मोठ्या मताधिक्याने विजय मिळविला. तर मतेवाडी ग्रामपंचायत राष्ट्रवादी काँग्रेस तर मुंजेवाडी ग्रामपंचायत भाजपने जिंकली.
जामखेड तालुक्यातील जवळा ग्रामपंचायत तिसऱ्या क्रमांकाची आहे. राजकीयदृष्टय़ा संवेदनशील असलेल्या ग्रामपंचायतमध्ये भाजप, राष्ट्रवादी, कॉंग्रेस व शिवसेना हे चारही पक्ष सक्रिय असतात. जवळा ग्रामपंचायत निवडणुकीत सत्ताधारी युवा नेते प्रशांत शिंदे यांच्या विरोधात अनेक मातब्बर एकत्र आले होते. राष्ट्रवादी काँग्रेसचा एक गट व सर्वपक्षीय आघाडीने एकास एक लढत दिली. पाच वर्षात केलेले विकासकामे, जनतेशी असलेला सततचा संपर्क व युवा पिढी नी हाती घेतलेली निवडणूक तसेच पंचायत समितीचे माजी सभापती सुभाष आव्हाड यांचा जनतेशी असलेला संपर्क यामुळे ही निवडणूक जिंकण्यात प्रशांत शिंदे यशस्वी ठरले. व ग्रामपंचायतची सत्ता काबीज केली. सरपंचपदी सुशील सुभाष आव्हाड हे ६५० मतांनी विजयी झाले. तर प्रशांत शिंदे यांच्या पत्नी शितल शिंदे हे सर्वाधिक ३१५ मतांनी सदस्यपदी विजयी झाल्या. विरोधी शेतकरी ग्रामविकास आघाडीला अवघ्या पाच जागांवर समाधान मानावे लागले.
मतेवाडीमध्ये ३० वर्षानंतर सत्तांतर
मतेवाडी ग्रामपंचायतमध्ये भाजपच्या गेल्या ३० वर्षाच्या सत्तेला सुरूंग लावत राष्ट्रवादी काँग्रेसने सत्ता काबीज केली. सरपंचपदी तात्या राजेंद्र कसरे विजयी झाले तर सात पैकी चार सदस्य निवडून आले. यूवा नेते भाऊसाहेब कसरे, नारायण पागीरे, संतोष पागीरे, अंकुश पागीरे, बबन पागीरे, सोमनाथ उर्फ पींटु पागीरे, आशोक मते, हूसेन शेख, आण्णा मते दत्तात्रय पागीरे, बजरंग डूचे ,मारूती पागीरे यांनी विजय मिळवण्यासाठी प्रयत्न केले.
मुंजेवाडी भाजपकडे
मुंजेवाडी ग्रामपंचायत निवडणुकीत दोन गटात सरळ लढत झाली. सत्ताधारी महारनवर गटाने बाजी मारली. सरपंचपदी राणी महारनवर व पाच सदस्य विजयी झाले.
जवळा ता. जामखेड
सरपंच – सुशील सुभाष आव्हाड
ग्रामपंचायत सदस्य
शिंदे पांडुरंग उध्दव, दळवी प्रदीप किसनराव, आव्हाड नंदा कल्याण, महारनवर भाउसाहेब, आव्हाड मंगल शहाजी, वाळुंजकर सोनाली राहुल, सरोदे किसन दत्तात्रय, पवार प्रशांत भाऊसाहेब, पठाडे सीमाबाई रामभाऊ, हजारे हरिदास अजिनाथ, रोडे सारिका सुभाष, कोल्हे जयश्री नितीन, शेख रफीक जमाल, शिंदे शीतल प्रशांत, हजारे राधिका मारुती
मतेवाडी सरपंच – कसरे तात्या राजेंद्र
ग्रामपंचायत सदस्य
आव्हाड सत्यवान गोरख, मते उर्मिला बाळासाहेब, मते सुनिता रघुनाथ, कसरे अरुण केरु, कसरे शिल्पा रोहिदास, पागीरे गणेश बलभीम, मते शिवगंगा गौतम
मुंजेवाडी –
सरपंच – महारनवर राणी बाबासाहेब, देवमुंडे मोहन शामराव, खाडे मुक्ताबाई विश्वास, मोरे विद्या परशुराम,बारस्कर बापू रामभाऊ, देवमुंडे स्वाती लहू, शेख लतीफ हशीम, जाधव निलावती शामराव
