संगमनेर : बॅग विकण्याच्या कारणातुन उमेर महेबूब पारवे या युवकाला १० जणांच्या टोळक्याने लाथाबुक्क्यांनी मारहाण करत चाकू हल्ला केला. या मारहाणीत पारवे जखमी झाला असून त्याच्यावर खाजगी रुग्णालयात उपचार सुरु आहेत. बुधवारी रात्री १० वाजता शहरातील बाप्ते किराणा दुकानाजवळ हि घटना घडली.
याबाबत संगमनेर शहर पोलिसांनी १० जणांवर गुन्हा दाखल केला आहे. उमेर पारवे मित्रांसोबत महेश पतसंस्थेसमोर गप्पा मारत असताना तेथे १० जणांचे टोळके आले. दुपारच्या भांडणाचा राग मनात धरुन त्याला लाथाबुक्क्यांनी मारहाण केली. तर चाकू हल्ला करत जखमी केले. महेबूब इब्राहिम पारवे (वय ५०, मोमीनपुरा) यांच्या फिर्यादीवरून निखिल मुर्तडक, श्याम अरगडे, नयन मुर्तडक, सुनिक धात्रक, सागर (पूर्ण नाव नाही) व अन्य ६ जणांवर शहर पोलिसांनी गुन्हा दाखल केला आहे. दरम्यान हे टोळके फरार असून पोलिस त्यांचा शोध घेत आहे.
