देवळाली प्रवरा / प्रतिनिधी
राहुरी येथील महात्मा फुले कृषी विद्यापीठाच्या सावित्रीबाई फुले माध्यमिक विद्यालयाची इयत्ता पाचवीची विद्यार्थीनी जान्हवी कैलास पावबाके ही पूर्व उच्च प्राथमिक शिष्यवृत्ती परीक्षेत जिल्हा गुणवत्ता यादीत झळकली आहे. तसेच जान्हवी हिला विद्यार्थी विज्ञान मंथन परीक्षेत जिल्हास्तरीय स्पर्धेत द्वितीय क्रमांक मिळाला असून अहमदनगर जिल्हा विज्ञान अध्यापक संघामार्फत घेण्यात येणाऱ्या जिल्हास्तरीय विज्ञान स्पर्धेत केंद्र स्तरावर प्रथम क्रमांक व तालुका स्तरावर तृतीय क्रमांक मिळाला आहे. या दैदिप्यमान यशापाठोपाठ जान्हवी हिने डाॕ.सी. व्ही.रमण बालवैज्ञानिक परीक्षेत तालुकास्तरावर द्वितीय क्रमांक पटकावला आहे.तिच्या नेत्रदीपक यशाबद्दल तिचे सर्वत्र अभिनंदन होत आहे.
