कोपरगाव : आज कोपरगाव तालुक्यातील लक्ष्मीवाडी संवत्सर शिवारामध्ये अज्ञात इसमाने क्व्हाल्त्या रेल्वेखाली स्वताला झोकून देत आत्महत्या केल्याची घटना घडली . याबाबत कोपरगाव शहर पोलीस ठाण्यामध्ये अकस्मात मृत्यूची नोंद करण्यात आली आहे.
याबाबत अधिक माहिती अशी की आज दिनांक 20 /07/2024 रोजी सकाळी साडेदहा वाजेच्या सुमारास एक अनोळखी ईसम वय अंदाचे 50 ते 55 यांनी लक्ष्मीवाडी संवत्सर शिवार येथे रेल्वे पोल क्रमांक 456/ 20 जवळ रेल्वे समोर झोपून आत्महत्या केली आहे. सदर इसम याच्याजवळ एक शाळेत जाणाऱ्या मुलीची लेडीज सायकल बाजूला उभी केलेली आढळून आली आहे. सदर मयत याच्या अंगामध्ये राखाडी रंगाचा त्यावर पिवळे रंगाचे चेक्सचे पट्टे असलेला फुल बहीचा शर्ट व निळ्या रंगाची साधी पॅन्ट घातलेली असून अंगात पांढऱ्या रंगाच हाफ बाहीचे बनियन व चॉकलेटी रंगाची अंडरवेअर घातलेली आहे तसेच गळ्यामध्ये काळ्या रंगाचा करदोऱ्याचा धागा घातलेला दिसत आहे. सदर इसम हा कोपरगाव पंचक्रोशीतील असावा असा अंदाज पोलिसांनी व्यक्त केला आहे. . तरी त्यास कोणी ओळखत असेल तर कोपरगाव शहर पोलीस स्टेशन येथे पोलीस हेड कॉन्स्टेबल तमनर मोबा. नंबर 9021562007 यावर संपर्क साधण्याची आवाहन करण्यात आले आहे.
