कोळपेवाडी वार्ताहर :- राज्यातील २८८ विधानसभा मतदारसंघात मतदान पार पडत असून कोपरगाव विधानसभा मतदारसंघाचे महायुतीचे उमेदवार आ.आशुतोष काळे यांनी आपल्या कुटुंबासह माहेगाव देशमुख येथील जिल्हा परिषद प्राथमिक शाळेत मतदानाचा हक्क बजावला.
माजी आमदार अशोकराव काळे, गौतम बँकेच्या माजी संचालिका सौ. पुष्पाताई काळे व जिल्हा बँकेच्या माजी संचालिका सौ.चैतालीताई काळे यांनी मतदान केले. देशाच्या हितासाठी व विकासासाठी सर्वांनीच मतदान करणे गरजेचे आहे. लोकशाहीच्या बळकटीकरणासाठी मतदारांनी निवडणूकीत आपला मतदानाचा पवित्र हक्क बजावून या देशाचा नागरिक म्हणून प्रत्येकाने आपले राष्ट्रीय कर्तव्य पार पाडावे असे आवाहन आ.आशुतोष काळे यांनी यावेळी केले.
