संगमनेर : तालुक्यातील रस्त्यांचे डांबरीकरण व मजबुतीकरण कामांसाठी काँग्रेस पक्षाचे विधिमंडळ गटनेते आमदार बाळासाहेब थोरात यांनी ८६ कोटी ८७ लाख रुपयांचा निधी मिळवला असून निमगाव भोजापुर येथील म्हाळुंगी नदीवरील पुलाकरता ३ कोटी रुपयांचा निधी मिळवला असल्याची माहिती सहकार महर्षी भाऊसाहेब थोरात सहकारी साखर कारखान्याचे जेष्ठ संचालक इंद्रजीत थोरात व माजी जिल्हा परिषद सदस्य रामहरी कातोरे यांनी दिली.
याबाबत अधिक माहिती देताना इंद्रजीत थोरात म्हणाले की, संगमनेर तालुक्याच्या पश्चिम भागातील विविध रस्त्या करता ही आमदार बाळासाहेब थोरात यांनी मोठा निधी मिळवला आहे. याचबरोबर निमगाव भोजापुर येथील महाळुंगी नदीवर पुलाकरता तीन कोटी रुपयांचा निधी अर्थसंकल्पातून आमदार बाळासाहेब थोरात यांनी मिळवला आहे. उंच कडा पादचारी मार्ग, यासह अत्यंत अद्यावत पद्धतीने हा पूल होणार असल्याने नागरिकांना दळणवळणाची मोठी सोय होणार आहे.संगमनेर तालुक्यात दळणवळणाच्या सोयी करता रस्त्यांच्या जाळ्या बरोबर आमदार बाळासाहेब थोरात यांनी पूलांची मोठी निर्मिती केली आहे. या अंतर्गत प्रवरा नदीवर पाच पूल, तर इतर सर्व नद्या व ओढे नाले यांना जोडणाऱ्या विविध लहान-मोठ्या नद्यांवरही पूल बांधण्यात आले आहे.यामुळे दळणवळणाची चांगली सोय झाली आहे.निमगाव भोजापुर येथील म्हाळुंगी नदीवर अद्यावत पूल होणार असल्याने या परिसरातील शेतकरी विद्यार्थी व नागरिकांची मोठी सोय होणार असल्याने निमगाव भोजापूर, चिखली ,राजापूर ,डोंगरगाव, जवळेकडलग या परिसरातील नागरिकांनी आमदार बाळासाहेब थोरात यांचे अभिनंदन केले आहे.
