कोपरगाव (प्रतिनिधी) कोपरगाव तालुक्यातील सोनेवाडी येथील स्वाध्याय परिवारातील पुंजासाहेब जावळे यांचे चिरंजीव मधुसूदन पुंजासाहेब जावळे यांचा एमएसएमई गोल्डन बिझनेस एक्सलन्स अवॉर्ड देऊन सन्मान करण्यात आला. MSME ग्लोबल गोल्डन बिझनेस एक्सलन्स रिकग्निशन इन सोल्यूशन प्रोव्हायडर ऑफ द इयर हा पुरस्कार आयव्हीएम टेक्नॉलॉजीज एलएलपी या कंपनीला देण्यात आला.
या पुरस्काराचे वितरण दिल्ली येथील विज्ञान भवन येथे करण्यात आले. पुरस्कार घेताना आयव्हीएम टेक्नॉलॉजीज एलएलपी कंपनीचे मधुसूदन जावळे, ईश्वर चित्रोडा, विरेन पंड्या यांनी आनंद व्यक्त केला. एमएसएमई गोल्डन बिझनेस एक्सलन्स अवॉर्ड हा त्यांच्या उद्योगात अपवादात्मक कामगिरी, नावीन्य आणि नेतृत्व प्रदर्शित करणाऱ्या व्यवसायांना दिला जाणारा एक प्रतिष्ठित मान्यता आहे. हा पुरस्कार विशेषत: अशा कंपन्यांवर प्रकाश टाकतो ज्यांनी लक्षणीय वाढ साधली आहे, उत्कृष्ट आर्थिक परिणाम दाखवले आहेत, नाविन्यपूर्ण धोरणे अंमलात आणली आहेत आणि त्यांच्या कार्यात उत्कृष्टतेची वचनबद्धता दर्शविली आहे.
गोल्डन बिझनेस एक्सलन्स अवॉर्डचे प्राप्तकर्ते अनेकदा कठोर मूल्यमापन प्रक्रियेद्वारे निवडले जातात. ज्यात आर्थिक कामगिरी, बाजारपेठेतील नेतृत्व, ग्राहकांचे समाधान आणि नवकल्पना यासारख्या विविध घटकांचा विचार केला जातो. हा पुरस्कार जिंकणे हे कंपनीच्या उत्कृष्टतेसाठीच्या समर्पणाचा आणि स्पर्धात्मक व्यवसायाच्या वातावरणात उभे राहण्याच्या क्षमतेचा दाखला आहे.गोल्डन बिझनेस एक्सलन्स अवॉर्ड
आर्थिक कामगिरी, वाढ आणि ग्राहकांचे समाधान यासह एकूण व्यवसायातील उत्कृष्टता ओळखण्यावर लक्ष केंद्रित करते.एमएसएमई गोल्डन बिझनेस एक्सलन्स अवॉर्ड मिळाल्याने खूप आनंद वाटला. इथून पुढच्या काळातही असेच काम पुढे केले जाईल असे मधुसूदन जावळे यांनी सांगितले. पुरस्कार मिळाल्याबद्दल जावळे यांचे कोपरगाव तालुक्यातील विविध क्षेत्रातून अभिनंदन होत आहे.
