देहरादून : क्रिकेटपटू ऋषभ पंत उत्तराखंडमधील रुरकी येथे झालेल्या एका कार अपघातात गंभीररित्या जखमी झाला आहे.
पीटीआय या वृत्तसंस्थेने दिलेल्या माहितीनुसार ऋषभ पंतच्या कारची डिव्हायडरला धडक बसली आहे.
व्हायरल झालेल्या फोटोनुसार, पंतची कार जळून खाक झाली आहे. त्याला देहरादूनच्या मॅक्स हॉस्पिटल मध्ये दाखल करण्यात आलं आहे.
या अपघातात पंतला गंभीर जखमा झाल्या आहेत. त्यात आतापर्यंत डोक्याला गंभीर दुखापत झाल्याचं समोर आलं आहे.
स्थानिक पोलीस अधिकारी स्वप्न किशोर यांनी या घटनेबद्दल अधिक माहिती देताना सांगितलं की ऋषभ पंतच्या कार ला मंगलौर आणि नारसन च्यामध्ये अपघात झाला आहे. रुरकी जिल्हा रुग्णालयात त्याच्यावर प्राथमिक उपचार झाल्यावर त्याला देहरादून येथील मॅक्स रुग्णालयात दाखल करण्यात आलं आहे.
