संगमनेर : छावा क्रांतिवीर सेनेच्या वर्धापन दिनानिमित्त श्रीमंत छत्रपती संभाजीराजे उद्या रविवार दि. १ जानेवारी रोजी संगमनेरातील निमगाव बुद्रुक येथे उपस्थित राहुन मार्गदर्शन करणार असल्याची माहिती छावा क्रांतिवीर सेनेचे जिल्हाध्यक्ष आशिष कानवडे यांनी दिली.
श्रीमंत छत्रपती संभाजीराजे यांच्यासोबत या वर्धापनदिनासाठी छावा क्रांतिवीरचे संस्थापक अध्यक्ष,स्वराज्यचे प्रवक्ते करण गायकर,कामगार नेते अभिजित राणे, संघटनेच्या प्रदेश कार्यकारणी, विभागीय जिल्हा, तालुका पातळीवरील मान्यवरासह संघटनेचे सर्व पदाधिकारी, सरपंच, उपसरपंच उपस्थित राहणार आहेत. ह्या वर्धापन दिनामध्ये छावा क्रांतिवीर सेनेच्या वतीने अनेक विषयांवर आवाज उठविला जाणार आहे. अनेक विषयांवर ठराव करण्यात येणार आहेत, त्यामध्ये शेतकऱ्यांच्या शेतीमालाला हमीभाव, शेतीपंपासाठी वीज मोफत, सक्तीची कर्जवसुली बंद करणे, महाराष्ट्रातील शैक्षणिक व आरोग्याच्या बाबतीत गाव पातळीपासून प्रदेश पातळीपर्यंत सुधारणा करणे या सर्व यंत्रणा भ्रष्टाचार मुक्त करण्यासाठी राज्य शासनाने कडक धोरणे अवलंबवावी, सहकार क्षेत्रातील कामगारांना किमान वेतन कायदा मंजूर करणे, महिला सबलीकरण, महाराष्ट्रातील थोर महापुरुषांविषयी बेताल वक्तव्य करणाऱ्या वाचाळविरां विरोधात कठोर असा कायदा पारित करणे, महाराष्ट्रातील सर्व गड किल्ल्यांचे संवर्धन करणे या विषयावर आवाज उठविला जाणार असून यासाठी
छत्रपती घराण्याचे वशंज,स्वराज्य प्रमुख श्रीमंत छत्रपती संभाजीराजे संगमनेर तालुक्यातील निमगाव बुद्रुक येथे येत असल्याने या ऐतिहासिक क्षणाचे साक्षीदार होण्यासाठी शिवप्रेमीमध्ये मोठा उत्साह संचारला आहे. त्यामुळे या ऐतिहासिक वर्धापनदिनासाठी शिवप्रेमीनी मोठ्या संख्येने उपस्थित राहावे, असे आवाहन संघटनेचे जिल्हाध्यक्ष आशिष कानवडे, रोहित यादव, उत्तर महाराष्ट्र संपर्क प्रमुख संजय चौधरी, आरोग्य आघाडी प्रदेशाध्यक्ष शांताराम गायकवाड, शेतकरी आघाडी जिल्हाध्यक्ष रवींद्र डुबे, संदीप वरखडे, गणेश थोरात,संदिप राऊत, रामनाथ कानवडे, भागवत कानवडे,सचिन कानवडे,अमीन शेख,गणेश फरगडे,लक्ष्मण सातपुते,सतिष गोपाळे, लहानू नेहे,दत्ता शेटे आदिसह संघटनेच्या पदाधिकाऱ्यांनी केले आहे.
