जामखेड तालुका प्रतिनिधी – दि.१८ मार्च ते २४ मार्च २०२५ या दरम्यान गुवाहाटी आसाम येथे होणाऱ्या पहिल्या २३ वर्षाखालील राष्ट्रीय बास्केटबॉल स्पर्धेसाठी श्री अमोलक जैन विद्या प्रसारक मंडळाच्या गांधी महाविद्यालयाचे राष्ट्रीय क्रीडा मार्गदर्शक प्रा. डॉ. सय्यद जमीर यांची महाराष्ट्र बास्केटबॉल संघाच्या मुख्य प्रशिक्षक पदी निवड झाल्याचे पत्र भारतीय बास्केटबॉल संघटनेचे सचिव कुलविंदर सिंग व अध्यक्ष अधव अर्जुना यांनी दिले आहे.
त्यांच्या या यशाबद्दल श्री अमोलक जैन विद्या प्रसारक मंडळाचे अध्यक्ष योगेश भंडारी, ट्रस्ट अध्यक्ष गोकुळ मेहेर, कार्याध्यक्ष कांतीलाल चानोदिया, उपाध्यक्ष बिपिन भंडारी, उपाध्यक्ष अनिल झाडमुथा, सचिव हेमंत पोखरणा, कोषाध्यक्ष डॉ. उमेश गांधी, मानद मंत्री डॉ. महेंद्र पटवा, संचालक योगेश चानोदिया, संजय मेहेर, गांधी महाविद्यालयाचे प्राचार्य डॉ. ज. मो. भंडारी, प्रशासकीय अधिकारी नवनाथ पडोळे, बास्केटबॉल संघटनेचे अध्यक्ष शिवराज पाटील, सहकारी, क्रीडाप्रेमी व खेळाडूंनी अभिनंदन करून शुभेच्छा दिल्या.
