वरीष्ठांची चर्चा करुन बिबट निवारा केंद्रात हलविण्यात येणार
देवळाली प्रवरा / प्रतिनिधी
राहुरी तालुक्यातील वडनेर परिसरात शेतात पाणी भरण्यासाठी गेलेल्या शेतकऱ्यावर हल्ला चढवून धड शरीरा वेगळे केल्याने या शेतकऱ्याचा या घटनेमध्ये दुर्दैवी मृत्यू झाला.शेतकऱ्यांला ठार करणारा नरभक्षक बिबट्या वन विभागाने २४ तासाच्या आत जेरबंद केला आहे.
वडनेर येथील शेतकरी शोभाचंद गव्हाणे यांच्यावर बिबट्याने हल्ला करून जागीच ठार केले. माजी आमदार प्राजक्त तनपुरे यांनी आक्रमक भुमिका घेत याबाबत वन विभागाच्या अधिकाऱ्यांना धारेवर धरले होते. सदर नरभक्षक बिबट्याला तात्काळ जेरबंद करा अशी मागणी केली होती. वडनेर येथील नरभक्षक बिबट्याला पकडण्यासाठी वनविभागाने तात्काळ कार्यवाही करीत टीम रवाना करून या भागात टॅब कॅमेराही बसविण्यात आला होता. अखेर रात्री १ वाजेच्या दरम्यान नरभक्षक बिबट्या जेरबंद करण्यास वनविभागास यश आले आहे. पकडण्यात आलेला बिबट्या पाच ते सहा वर्षांचा आहे.या भागातील शेतकऱ्यांनी काही प्रमाणात सुटकेचा निश्वास सोडला आहे. पकडलेला बिबट्या सध्या डिग्रस येथील नर्सरीत ठेवण्यात आला आहे . वरिष्ठांची चर्चा केल्यानंतर जुन्नर येथील बिबट निवारा केंद्रात दाखल करण्यात येणार आहे.वन विभागाच्या अधिकाऱ्यांनी सांगितले आहे.
वडनेर परिसरात बिबट्या पकडण्यासाठी उपवनसंरक्षक डी. डी. सालविठ्ठल , सहाय्यक वन संरक्षक गणेश मिसाळ यांच्या अधिपत्याखाली राहुरीचे वनक्षेत्रपाल युवराज पाचारणे, वनपाल राजू रायकर, वनपाल लक्ष्मण शेंडगे, वनपाल सचिन शहाणे,वनपाल गणेश गिरी वनरक्षक मदन गाडेकर वनरक्षक समाधान चव्हाण वनरक्षक सागर वाकचौरे वनरक्षक शंकर खेमनर वनरक्षक महेश ससे वनरक्षक रामचंद्र आडागळे, शंकर खेमनर,अंकराज जाधव, पोपट ढोकणे,ताराचंद गायकवाड,राजेंद्र घुगे, आदींचा सहभागी झाले होते.
