ऊस तोडणी कामगार धुळे जिल्ह्यातील शिरपूर येथील
देवळाली प्रवरा / प्रतिनिधी
कराड येथील कारखान्यासाठी ऊस तोडणी कामगारांना घेवून जात असलेल्या चालत्या मालट्रक मधील ऊस तोडणी कामगार तोल जावून पडल्याने ऊसतोडणी कामगाराचा दुर्दैवी मृत्यू झाला.हि घटना राहुरी फॅक्टरी परिसरात नगर मनमाड महामार्गवर हॉटेल वने पाटील समोर आज पहाटे घडली.
याबाबत सविस्तर वृत्त असे की, धुळे जिल्ह्यातील शिरपूर येथुन कराड साखर कारखान्यात ऊस तोडणी कामगारांना घेऊन जात असलेला मालट्रक क्रमांक एमएच 18 ऐसी 9966 हा पहाटेच्या सुमारास नगर मनमाड महामार्गाने राहुरी फॅक्टरी परिसरातून जात असताना हॉटेल वणे पाटील समोर ऊस तोडणी कामगार भारत शिवदास भिल (वय २५ वर्षे,राहणार शिंगवे, ता.शिरपूर, जि.धुळे) हा चालत्या मालट्रक मधुन तोल गेल्याने खाली पडला. यावेळी त्याचा जागेवर मृत्यू झाला.
दरम्यान रुग्णवाहिका चालक रवी देवगिरे यांच्या मदतीने मृतदेह शवविच्छेदनासाठी नेण्यात आला असून याबाबत राहुरी पोलीस ठाण्यात गुन्हा दाखल करण्यात आला आहे.
