कोपरगाव प्रतिनिधी : मुंबई-नागपूर महामार्गावरील एस.जे.एस. रुग्नालया जवळ आज सकाळी ११ वाजता स्कोर्पिओ कार चालकाचा गाडीवरील ताबा सुटून गाडी महामार्गाशेजारी असणाऱ्या दुकानात शिरून झालेल्या भीषण अपघातात एका महिलेलचा मृत्यू झाला असून दोन जन गंभीर जखमी झाले असून जखमींना एस जे एस रुग्णालयात दाखल करण्यात आले आहे.
याबाबत अधिक माहिती अशी की महिंद्रा स्कॉर्पिओ (एम.एच.१२ एन.झेड.००५७ ) ही भरधाव वेगाने मुंबईकडून नागपूरच्या दिशेने जात असताना तिच्यावर चालकाचे असलेले नियंत्रण सुटून झालेल्या अपघातात गाडी साई जनार्दन हॉटेलजवळील गोदावरी स्टॉलमध्ये घुसली आहे. या अपघातात सुनंदा साबळे (वय – ५६) महिला मृत सुदाम काशिनाथ साबळे अलका वसंत साबळे हे दोन जण जखमी झाले आहे.
या प्रकरणी कोपरगाव शहर पोलीस ठाण्यात गुन्हा दाखल करण्यात आला आहे जुना मुंबई-नागपूर राज्य मार्गा वर दिवसेंदिवस अपघाताचे प्रमाण वाढत चालले आहे. या अपघातामध्ये दुकान चालक आकाश विलास गोंदकर याने सावधानता दाखवत तात्काळ दुकानातून उडी मारून आपला जीव वाचवला आहे. या अपघाताची संपूर्ण दृश्ये सीसीटीव्ही कॅमेऱ्यात कैद झाली असून, फुटेजमध्ये गाडीचा वेग खूप जास्त असल्याचे स्पष्ट दिसत आहे. अचानक गाडी दुकानामध्ये घुसल्याने मोठा आवाज झाला होता .
अनेकांनी घटनास्थळी धाव घेतली होती. प्रत्यक्षदर्शीच्या म्हणण्यानुसार सदर चालक हा मद्यधुंद अवस्थेत होता त्यातून त्याचे नियंत्रण सुटले असल्याचे म्हटले आहे. या अपघातामुळे आकाश विलास गोंदकर यांचे किमान तीन ते चार लाख रुपयांचे नुकसान झाले आहे.
