उरण दि १०(विठ्ठल ममताबादे ) : आज काल शहरीकरणाच्या आणि विकासाच्या नावाखाली गावच्या – गावं उध्वस्त केली जात आहेत. आणि हे सर्व पाहता ” माझा गाव माझा अभिमान ” ही संकल्पना उराशी बाळगत आज पर्यंत उरण,पनवेल, पेण तालुक्यातील अनेक गावांना त्यांच्या गावांच्या नावांचे नामफलक ( बोधचिन्ह )अर्थात विद्युत रोषणाईने चमकणाऱ्या नावांचे नवीन नामफलक बनवून देण्याचं औदार्य ज्यांच्या मनाच्या मोठेपणातून साकारलं गेलं. असे दानशूर व्यक्तिमत्त्व केअर ऑफ नेचर सामाजिक संस्थेचे संस्थापक महाराष्ट्र भूषण राजू मुंबईकर यांच्या संकल्परुपी औदार्यातून काही महिन्यांपूर्वी १५ ऑगस्ट या दिवशी केळंबादेवी मातेच्या मंदिर पायथ्या जवळ आम्हीं खरोशीकर “”या नावाच्या नामफलकाच्या अनावरण सोहळ्या नंतर पुन्हा एकदा याच खरोशी गावात.” आय लव्ह खरोशी ” I Love Kharoshi या नावाचं विद्युत रोषणाईने चमकणारे नूतन नामफलक ( बोधचिन्ह ) बनऊन देण्यात आले.
गावाच्या वेशीवर बसविण्यात आलेल्या ह्या नूतन नामफलकाचा अनावरण सोहळा कार्यक्रमाचे आयोजन खरोशी या गावांत करण्यात आले त्याच सोबत आणखी एका कार्यक्रमाचं औचित्य साधलं गेलं ते खरोशी गावचे युवा सामाजिक कार्यकर्ते महेशदादा घरत सहचारिणी ( पत्नी ) मानसीताई महेश घरत यांची खरोशी ग्रामपंचायतीच्या उपसरपंच पदी निवड करण्यात आली त्या निमित्ताने राजू मुंबईकर यांच्या वतीने मानसीताई घरत यांचे अभिनंदन आणि शुभेच्छा कार्यक्रमाचे आयोजन देखील करण्यात आले.
खरोशी गावचे युवा सामाजिक कार्यकर्ते महेशदादा घरत यांच्या शब्दाला मान देतं पुन्हा एकदा खरोशी गावांकरिता विद्युत रोषणाईने चमकणारे ‘आय लव्ह खरोशी’ नावाचं नामफलक ( बोधचिन्ह )बनवून देण्याचं प्रेरणादायी कार्य साकारण्यात आले ते राजू मुंबईकर यांच्या माध्यमातून आणि ह्या कार्यक्रमा दरम्यान खरोशी गावचे युवा सामाजिक कार्यकर्ते महेशदादा घरत आणि सर्व सहकारी मंडळी यांच्या वतीने खरोशी गावातील कुलदैवताच्या मंदिराच्या कार्यक्रमा करिता उपस्थित राहिलेल्या सर्व मान्यवर मंडळींचे जोरदार स्वागत करून सर्वांचा यथोचित मान – सन्मान करून सर्वांना सन्मानित करण्यात आले.
पेण येथील खरोशी ह्या गावांत नवीन नामफलकाच्या ( बोधचीन्हाच्या) अनावरण सोहळ्या प्रसंगी आमंत्रित प्रमुख मान्यवर अतिथी म्हणून केअर ऑफ नेचर सामाजिक संस्थेचे संस्थापक महाराष्ट्र भूषण राजू मुंबईकर,स्नेहलजी पालकर(अध्यक्ष – केअर ऑफ नेचर सामाजिक संस्था ),अनिल घरत ( उरण तालुका सचिव – आगरी कोळी कराडी संघर्ष सामाजिक संस्था ),खरोशी गावच्या सरपंच रुपालीताई पाटील,उपसरपंच मानसीताई घरत, सामाजिक कार्यकर्ते महेशदादा घरत, माजी उपसरपंच नितेश घरत,प्रणाली घरत ( ग्रा पं. सदस्या), पवार मॅडम ( ग्रामसेविका ),धनाजी घरत ( पत्रकार ), बेबी भोडकर,स्वप्नील पाटील,मनीषा पाटील, ए. पी.घरत, भरत पाटील,केशव घरत, अनंता पाटील,पांडुरंग घरत,अनंता पाटील,महेंद्र घरत,रोहित घरत आणि खरोशी गावांतील लोकप्रतिनिधी,युवा , ग्रामास्थ मंडळी सोबतच विविध सामाजिक क्षेत्रातील मान्यवर मंडळी उपस्थित होते.या सर्वांच्या उपस्थितीत ह्या विद्युत रोषणाईने चमकणाऱ्या नवीन नामफलकाचा अनावरण कार्यक्रम सोहळा मोठ्या उत्साहात आणि उत्तम प्रतिसादात संपन्न झाला.
