उरण दि 3(विठ्ठल ममताबादे) उरण तालुक्यातील चाणजे ग्रुपग्रामपंचायतचे सरपंच अमिताभ भगत यांच्या संकल्पनेतून तसेच विद्यमान सदस्य यांच्या सहकार्यातून चाणजे ग्रुपग्रामपंचायत हद्दीत असणाऱ्या सर्व स्मशानभूमीजवळ तसेच कोंढरी बाबदेव पाड्यातील बंदर रोडवर सौरपथदिवे लावण्यात आलेत. गावात एखादी वाईट घटना घडल्यानंतर रात्रीच्या वेळेस जर लाईट गेली तर अंत्यसंस्काराच्या वेळेस खूप समस्या निर्माण होत असे.ही समस्या लक्षात घेऊन चाणजेचे विद्यमान सरपंच अमिताभ भगत यांच्या पुढाकारातून व विद्यमान सदस्य यांनी सौरपथदिवे लावण्याचा निर्णय घेण्यात आला.सौरपथदिवे लावल्याबद्दल नागरिकांकडून समाधान व्यक्त होत आहे.
