उरण दि ८(विठ्ठल ममताबादे )जेएनपीए व कामगार एकता संघटनेचे अध्यक्ष दिनेश पाटील यांच्या हस्ते जेएनपीए क्लब हाऊस येथे विहंग घन:श्याम कडू याने दहावी परीक्षेत ९४.२०% गुण मिळविल्याबद्दल गुणगौरव सोहळा उपस्थित मान्यवरांच्या हस्ते करण्यात आला. यावेळी ट्रस्टी दिनेश पाटील यांनी सांगितले की, इतरांना वारेमाप प्रसिद्धी देणारे पत्रकार अथवा त्यांचे कुटुंब मात्र स्वतः च्या कुटूंबातील मुलांना प्रसिद्धी देऊ शकत नाही. यासाठी जेएनपीए चेअरमन यांच्या माध्यमातून पत्रकारांच्या मुलांनी अनेक क्षेत्रात प्राविण्य मिळविलेले आहे. त्यांचाही लवकरच गुणगौरव सोहळा करण्याचा मानस यावेळी त्यांनी व्यक्त केला. नुकताच दहावी परीक्षेचा निकाल जाहीर झाला होता. त्यामध्ये उरण तालुक्यातून अनेकांना वारेमाप प्रसिद्ध देणारे पत्रकार घन:श्याम कडू यांचा मुलगा विहंग घनःश्याम कडू याने ९४.२०% गुण मिळविल्याबद्दल सर्वत्र अभिनंदन होत होते. पत्रकाराच्या मुलाने ९४.२० % गुण मिळविल्याबद्दल जेएनपीए ट्रस्टी व जेएनपीटी कामगार एकता संघटनेचे अध्यक्ष दिनेश पाटील यांनी गुणगौरव सोहळा व स्नेहभोजनाच्या कार्यक्रमाचे आयोजन करण्याचा मानस व्यक्त केला होता.त्यानुसार त्यांनी जेएनपीए टाऊनशीप क्लब येथे विहंग कडू याच्या सत्काराचे आयोजन केले होते.जेएनपीए ट्रस्टी व जेएनपीटी एकता कामगार संघटनेचे अध्यक्ष दिनेश पाटील यांनी मान्यवर पत्रकारांच्या उपस्थितीत विहंग कडू याचा पुष्पगुच्छ व भेटवस्तू देऊन सत्कार केला. यावेळी दिनेश पाटील यांनी आपल्या मनोगतात विहंग कडू याच्या यशाबद्दल अभिनंदन करून कडू कुटूंबियांचेही अभिनंदन केले. तसेच यापुढे तालुक्यातील सर्व पत्रकारांच्या मुलांचा विविध क्षेत्रात प्राविण्य मिळविलेल्या गुणवंत विद्यार्थ्यांचा गुणगौरव सोहळा हा लवकरच जेएनपीए चेअरमन यांच्या हस्ते करण्यात येईल असा विश्‍वास व्यक्त केला.
त्यासाठी आपण स्वतः पाठपुरावा करणार असल्याचे त्यांनी सांगितले. विशेष म्हणजे आजपर्यंत पत्रकारांनी आपल्या कुटुंबाकडे दुर्लक्ष करून अनेकांना प्रसिद्धी देऊन त्यांना मोठे केले आहे. परंतु त्यांना आपल्या स्वतः च्या मुलाच्या यशस्वी कामगिरीबद्दल प्रसिद्धी देता आली नाही. हा दुवा पकडून ट्रस्टी दिनेश पाटील यांनी पत्रकारांच्या यशस्वी मुलाच्या सत्कार समारंभाचे आयोजन केले होते. त्याचा श्रीगणेशा विहंग कडू याने दहावी परीक्षेत ९४. २०% गुण मिळविल्याबद्दल आज सत्कार करून केला. एवढ्यावरच न थांबता तालुक्यातील पत्रकारांच्या मुलांनी अनेक क्षेत्रात प्राविण्य मिळविले आहे, अशा यशस्वी विद्यार्थ्यांचा आपण जेएनपीए चेअरमन यांच्या हस्ते सत्कार करण्यासाठी आपण प्रयत्न करून हा सोहळा लवकरच करू असे सांगितले. ट्रस्टी दिनेश पाटील यांनी पत्रकारांच्या मुलाच्या यशाची दखल घेऊन सत्कार केला तसेच लवकरच चेअरमन यांच्या उपस्थितीत पत्रकारांच्या मुलांचा गुणगौरव सोहळा करण्याचा मानस व्यक्त केल्याबद्दल सर्व उपस्थित पत्रकार बंधूनी यास अनुमोदन दिले.
यासाठी सर्व पत्रकारांनी एकत्रित येऊन आपली ताकद निर्माण करण्याचा मनोदय व्यक्त करीत दिनेश पाटील यांनी आयोजित केलेल्या या कार्यक्रमाबद्दल उपस्थित पत्रकारांनी धन्यवाद व्यक्त केले. तसेच उपस्थित मान्यवरांनी दहावी परीक्षेत विहंग कडू याने ९४. २०% गुण हे तालुक्यातील पत्रकाराच्या मुलाचे आजपर्यंतचे घवघवीत यश मानले जात आहे. यावरून पत्रकारांची मुलेसुद्धा चांगली टक्केवारी मिळू शकतात हे दिसून आले. विहंग कडू याच्या यशाबद्दल सर्वांनी त्याचे अभिनंदन करून पुढील शिक्षणासाठी शुभेच्छा दिल्या.पत्रकाराच्या मुलाच्या यशाबद्दल प्रथमच जेएनपीटी ट्रस्टी दिनेश पाटील यांनी दखल घेऊन सत्कार समारंभ व स्नेहभोजन कार्यक्रम आयोजित करून तो यशस्वीपणे पार पाडल्याबद्दल उपस्थित पत्रकारांनी धन्यवाद देऊन यापुढेही असेच कार्यक्रमाचे आयोजन केल्यास आम्हांला व आमच्या मुलांना नक्कीच प्रोत्साहन मिळेल असा विश्‍वास पत्रकारांनी व्यक्त केला.
