देवळाली प्रवरा / प्रतिनिधी
विद्यार्थीनीना घेवून चाललेल्या भरधाव वेगातील जीपने मोटारसायकल स्वारास जोराची धडक दिल्याने लाडगाव ता.वैजापूर येथिल दिर भावजय जखमी झाले असून राञी उशिरा पर्यंत अपघाताचा गुन्हा दाखल करण्यात आला नव्हता.
देवळाली प्रवरा इरीगेशन कार्यालया जवळ श्रीरामपूरहुन भरधाव वेगात जीप क्रमांक एम एच 16 ऐटी 7703 हि राहुरी फँक्टरी येथिल डी पाँल इंग्रजी माध्यमाच्या विद्यार्थींना घेवून चाललेली असताना वाहन चालकास वेग मर्यादीत आणता आणला नसल्यामुळे समोर चाललेल्या मोटारसायकल क्रमांक एम एच 20 सीपी 0726 हिला जोराची धडक दिल्याने दिर भावजय गंभिर जखमी झाले आहेत. प्रथमदर्शी दिर भावजय दोघांचे पाय दोन ते तीन ठिकाणी मोडले असल्याचे दिसत होते.हे दिर भावजय पारनेर तालुक्यातील पळशी वनकुटे येथे चाललेले होते.
मोटारसायकल वरील रविंद्र अप्पासाहेब थोरे (वय 23),निताली मयुर थोरे (वय 20) हे दिर भावजय गंभिर जखमी झाले आहेत. त्यांना नगर येथे उपचारासाठी हलविण्यात आले.धडक दिल्या नंतर जीप चालक वाहनासह पळून चालला असताना स्थानिक तरुणांनी पाठलाग करुन पकडून अपघातस्थळी आणले.पोलिसांना पाचारण करण्यात आले होते.राञी उशिरा पर्यंत अपघाताचा गुन्हा दाखल झाला नव्हता.
