देशातील नामवंत कलावंत,साहित्यिक होणार सहभागी : शरद शेजवळ
येवला (प्रतिनिधी )
भारतीय संविधानिक विचार,तत्व,मूल्यांचा प्रचार प्रसार व संवर्धन विविध सांस्कृतिक कलाविष्कारातून लोकरांजनातून लोक प्रबोधन-सामाजिक प्रबोधन करण्याच्या उद्देशाने रविवार दिनांक २३ मार्च २०२५ रोजी सकाळी ७:३० ते सायं ६:३० वा.जनता विद्यालय, विंचूर रोड,येवला (नाशिक) येथे लोककवी वामनदादा कर्डक प्रतिष्ठान नाशिक,महाराष्ट्र यांच्या वतीने व शासनाच्या भारतरत्न डॉ. बाबासाहेब आंबेडकर संशोधन व प्रशिक्षण संस्था (बार्टी) पुणे,पंचायत समिती येवला-शिक्षण विभाग,भारतीय अकॅडमी,कास्ट्राईब शिक्षक संघटना,राष्ट्र सेवादल,अध्यापकभारती येवला यांच्या संयोजनात भारतातील पहिले संविधान लोककला-साहित्य संमेलन ऐतिहासिक येवला नगरीत संपन्न होणार असल्याची माहिती संविधान लोककला साहित्य संमेलनाचे प्रवर्तक,निमंत्रक शरद शेजवळ व संयोजक महाराष्ट्र शासनाच्या भारतरत्न डॉ. बाबासाहेब आंबेडकर संशोधन व प्रशिक्षण संस्था बार्टी पुणे चे महासंचालक सुनील वारे, संविधान कक्ष संचालक सुमेध थोरात पंचायत समिती येवला गट शिक्षणाधिकारी संजय कुसाळकर,शैलेंद्र वाघ,राजरत्न वाहुळ,विनोद सोनवणे,गोकुळदास वाघ यांनी दिली आहे.
देशातील नामवंत कलावंत,साहित्य होणार सहभागी होत असलेल्या साहित्य संमेलनाचे अध्यक्ष सुप्रसिद्ध लोकशाहीर संभाजी भगत,उदघाटक सुप्रसिद्ध साहित्यिक उत्तम कांबळे,मुंबई विद्यापीठ लोककला अकादमीचे संचालक सुप्रसिद्ध सिने-नाट्य अभिनेते व पार्श्वगायक डॉ.गणेश चंदनशिवे,लोककवी वामनदादा कर्डक प्रतिष्ठानचे संस्थापक,कार्याध्यक्ष शरद शेजवळ यांच्या संकल्पनेतून होत असलेल्या संमेलनास प्रमुख पाहुणे म्हणून प्रांताधिकारी बाबासाहेब गाढवे,साहित्यिक तहसीलदार येवला आबा महाजन,गटविकास अधिकारी संदीप वायाळ,गटशिक्षणाधिकारी संजय कुसाळकर,नाशिक जिल्ह्या ग्रामीण पोलीस उपायुक्त वासुदेव देसले,सुप्रसिद्ध उद्योजक बाळासाहेब कापसे,राष्ट्र सेवादलाचे कार्याध्यक्ष प्रा.अर्जुन कोकाटे,सुप्रसिद्ध सामाजिक कार्यकर्ते मोहन अडांगळे,राहुल बच्छाव,प्रा.डॉ.भाऊसाहेब गमे,एस.पी.पवार,येवला तालुका मुख्याध्यापक संघाचे अध्यक्ष दीपक गायकवाड,येवला नगरपालिका मुख्याधिकारी तुषार आहेर,जेष्ठ पत्रकार योगेंद्र वाघ,एस.एस.गायकवाड, दत्तकुमार उटावळे,कास्टईब शिक्षक संघटना पदाधिकारी कार्यकर्ते,शिक्षक उपस्थित राहणार आहेत.
लोककवी वामनदादा कर्डक संविधान लोककला साहित्य नगरी मुक्तीभूमी येवला नगरीत संपन्न होणाऱ्या ह्या संमेलनात
भारतीय राज्यघटना अर्थात राष्ट्रग्रंथ भारतीय संविधान यावर सुप्रसिद्ध संविधान कीर्तनकार शामसुंदर महाराज किर्तन सादर करणार असून शाहीर स्वप्निल डुंबरे संविधान पोवाडा,शाहीर हमीद सय्यद संविधान भारुड, शाहिरा रितू गोरे संविधान अभंग, शाहीर प्रा.तुळशीराम जाधव संविधान शाहिरी जलसा- संविधान कव्वाली प्रा.शाहीर प्रवीण जाधव संविधान कलगीतुरा व भेदकी शाहिरी सुप्रसिद्ध खंजेरी वादक शाहिरा मीराबाई उमप संविधान प्रबोधन गीते तर लोककवी वामनदादा कर्डक प्रतिष्ठान कलापथक नाशिक संविधानाच्या जात्यावरील ओव्या सादर करणार आहे.
संमेलनाच्या समारोप सत्रात संविधान संवर्धनासाठी लोककलाकारांची भूमिका या विषयावरील लोककलांचे अभ्यासिक प्रा.डॉ.गणेश चंदनशिवे सामाजिक कार्यकर्ते संतोष बुरंगे पाटील सहभागी होणार आहेत.
मानवाने श्रमपरिहारसाठी विविध कला विकसित केल्या समाजात रूढ झालेल्या विविध प्रकारच्या लोककला ह्या लोक प्रबोधनाचे कार्य करू शकतात यास भारतभूमीत मोठा वारसा आहे.बुद्धकालीन कला ते आजच्या आधुनिक कला प्रकारात लोकांच्या धडावर लोकांचा मेंदू राहावा आणि लोक रंजनातून लोकप्रबोधन व्हावे ह्या हेतूने आपणा भारतीय लोकांना ज्या राष्ट्रग्रंथाने माणुसकीचे मानवतेचे हक्क अधिकार बहाल केले त्या राष्ट्रग्रंथातील अर्थात संविधानातील तत्त्वविचार मूल्यांचा प्रचार प्रसार व संवर्धन विविध प्रबुद्ध लोककलांमधून करण्याच्या हेतूने भारतातील पहिले संविधान लोककला साहित्य संमेलन आपण आयोजित केले आहे असे मत संविधान लोककला साहित्य संमेलनाचे प्रवर्तक व निमंत्रकशरद शेजवळ यांनी सांगितले.
संमेलनाचे अध्यक्ष सुप्रसिद्ध लोककवी संभाजी भगत,उदघाटक सुप्रसिद्ध साहित्यिक उत्तम कांबळे
कार्यक्रमाची रूपरेषा स.७:३० वा.संविधान सन्मान रॅली आझाद चौक येवला छत्रपती शिवाजी महाराज यांच्या पुतळ्यापासून सुरू होऊन संमेलन स्थळी जनता विद्यालय विंचूर रोड येवला इथपर्यंत येईल ९:०० वा.चहा व नाश्ता उद्घाटन सत्र सकाळी ९:३० ते ११ वा. सकाळी ११ ते १२ वाजता सुप्रसिद्ध कीर्तनकार मा श्याम सुंदर सुंदर महाराज (परळी वैजनाथ)यांचे संविधान कीर्तन ११:३० ते १२ वाजता सुप्रसिद्ध शा. इंजिनिअर स्वप्निल डुंबरे (सिन्नर) यांचा संविधानाचा पोवाडा दु.१२ ते १२:३० वा. सुप्रसिद्ध भारूडकार शाहीर हमीद सय्यद (शेवगाव-अहिल्यानगर),१२:३० ते १ संविधान अभंग सादरकर्ते कुमारी रितू गोरे व सहकारी येवला,१ ते २ भोजन,२ ते २:३० संविधान शाहिरी जलसा सादर करते प्रा.शा.तुळशीराम जाधव आणि सहकारी (संगमनेर),२:३० ते ३ वा. संविधान प्रबोधन गीत गायन सादरकर्त्या शाहिरा मीराबाई उमप (छत्रपती संभाजीनगर) ३ ते ३:३० वा. संविधान जात्यावरच्या ओव्या सादरकर्ते लोककवी वामनदादा कर्डक प्रतिष्ठान कलापथक येवला दुपारी ३:३० ते ४:०० वा. शाहीर तुषार सूर्यवंशी व गायिका स्वाती त्रिभुवन (मुंबई) यांचे संविधानाचे गाठोडेचे सादरीकरण,सायं ४ ते ५ वा.परिसंवाद – विषय : संविधान संवर्धनासाठी लोककलावंतांची भूमिका अध्यक्ष प्रा. डॉ. गणेश चंदनशिवे संचालक लोककला अकादमी मुंबई विद्यापीठ सुप्रसिद्ध गायक व अभिनेता समारोप सायंकाळी होईल.
संविधान लोककला साहित्य संमेलनाच्या यशस्वीतेसाठी संयोजक गटशिक्षणाधिकारी संजय कुसाळकर,प्रवर्तक व निमंत्रक शरद शेजवळ,संयोजक सुमेध थोरात,शैलेंद्र वाघ,राजरत्न वाहुळ,गोकुळदास वाघ,विनोद सोनवणे अमीन शेख,अजीज शेख,सुरेश खळे,वनिता वाघ,सुभाष वाघेरे,नुमान शेख,गायत्री खोकले, शरद अहिरे,सुनील गोविंद,ऍड.चंद्रकांत निकम नियोजन समिती सदस्य सुनील गोविंद,शंकर आहिरे,संतोष सोनवणे,योगेश्वर सोनवणे,सोमनाथ खळे,जनार्धन धनगे, राजेंद्र दूनबळे,बाबासाहेब धिवर, संतोष सोनवणे,बापू वाघ, गजानन सूर्यकर,स्वाती अवताडे, अक्षय गरुड,शितल वाहुळ,खुशी गायकवाड,सुप्रिया कुऱ्हाडे,रोहन मढवई हे प्रयत्नशील आहेत.
लोककवी वामनदादा कर्डक प्रतिष्ठान नाशिक महाराष्ट्र प्रमुख आयोजक असून सहयोगी संस्था भारतरत्न डॉ.बाबासाहेब आंबेडकर संशोधन व प्रशिक्षण संस्था (बार्टी) पुणे,भारतीय अकॅडमी येवला, कास्ट्राईब शिक्षक संघटना,अध्यापकभारती राष्ट्रसेवा दल येवला,अनुसूचित जाती नवबौद्ध मुलांचे शासकीय वस्तीगृह,जनता विद्यालय येवला एन्जोकेम विद्यालय येवला,जि.प.शाळा बाभुळगाव,श्री.स्वा.स.जेष्ठ नागरिक संघ येवला,आत्मा मलिक इंग्लिश मेडिअम स्कुल डॉ बाबासाहेब आंबेडकर स्मारक समिती येवला संचलित भारतरत्न डॉ. बाबासाहेब आंबेडकर मुक्ती भूमी सार्वजनिक वाचनालय व राष्ट्रीय महाकवी वामनदादा कर्डक मुक्ती भूमी अभ्यासिका संमेलनाच्या यशस्वीतेसाठी प्रयत्नशील असल्याची माहिती आयोजकांनी दिली आहे.
