कधी तरी जन्मा येई
भिमराव त्याग मूर्ती
असा न होणे दुसरा
दिगंतरा जाय किर्ती…
डाॅक्टर जादुई दिवा
झळाळे माई ज्योती
आगळे वेगळे दंपती
सकला देती स्फुर्ती…
शिक्षण समृद्ध माती
पिकवले ज्ञान मोती
निळासूर्य आभाळात
कुर्निसात करे धरती….
दिधले महा मानवाने
संविधानआम्हां हाती
अद्रुश्य साथ माईंची
उजळी सहस्त्र वाती ….
भुकेहूनि श्रेष्ठ पुस्तके
संपत्ती ही थोर किती
घराचे करी ग्रंथालय
दावी शिक्षण महती…
पती पत्नी ही नाती
अलौकिक हो जगती
इतिहास जाण ठेवी
त्रिखंडात हो ख्याती…
– हेमंत मुसरीफ पुणे.
9730306996..
