उरण दि 18(विठ्ठल ममताबादे )
महाराष्ट्र राज्य इंटकचे अध्यक्ष, माजी आमदार, प्रदेश उपाध्यक्ष स्व. जयप्रकाशजी छाजेड यांची श्रद्धांजली सभा आज टिळक भवन, दादर येथे पार पडली.यावेळी प्रांत अध्यक्ष नानाभाऊ पटोले, राज्याचे माजी मुख्यमंत्री अशोकराव चव्हाण, माजी मंत्री विजय वडेट्टीवार , मुंबई काँग्रेसचे अध्यक्ष भाई जगताप,महाराष्ट्र इंटकचे कार्याध्यक्ष महेंद्रशेठ घरत,काँग्रेसचे जेष्ठ नेते उल्हासदादा पवार, हुसेन दलवाई, मोहन जोशी,श्रीरंग बरगे, प्रमोद मोरे व मोठया संख्येने काँग्रेस कार्यकर्ते व महाराष्ट्र इंटक चे पदाधिकारी उपस्थित होते.उपस्थित काँग्रेसचे सर्व पदाधिकारी कार्यकर्त्यांनी भावपूर्ण श्रद्धांजली वाहिली.यावेळी महेंद्रशेठ घरत यांनी छाजेड यांना श्रद्धांजली अर्पण करताना आपले मनोगत व्यक्त करताना सांगितले की छाजेड साहेब यांच्या जाण्याने महाराष्ट्र इंटक आणि काँग्रेसने एक निष्ठावंत कार्यकर्ता आणि नेता गमावला असून त्यांचे कार्य सदैव सर्वांच्या स्मरणात राहील.असे सांगत महेंद्र घरत यांनी स्व. छाजेड यांना भावपुर्ण श्रद्धांजली वाहिली.
