मुंबई : महापुरुषांबद्दल केलेल्या वक्तव्याबद्दल सुषमा अंधारे यांनी पुन्हा एकदा नवं वक्तव्य केलं आहे. पुण्यातील एका कार्यक्रमात बोलताना त्यांनी भाजपावर टीका केली आणि आपली बाजू मांडली.
अंधारे म्हणाल्या, “मोदींजींच्या कॅम्पनिंगमध्ये 3 टप्पे आहेत डॅमेज, होप आणि अॅक्शन. नेहरुंवर बोलून देखील मोदींना ते डॅमेज करता येत नाहीत. महापुरुषांवर बोलणं म्हणजे जीभ घसरली, चुकून बोललो असं नाही. हे लोक ठरवून डॅमेज करत आहेत. जाणीवपूर्वक हे लोक महापुरुषांना डॅमेज करत आहेत.
एकनाथ शिंदेना उभा करण्यासाठी त्यांनी उद्धव ठाकरे यांना डॅमेज केलं. संजय राऊत यांनी डॅमेज केलं की हा माणूस शिवसेना संपवणार आहे, असा प्रचार सुरु होतो. अनिल देशमुखांनाही त्यांनी डॅमेज केलं आहे. हे लोक महापुरुषांना ठरवून डॅमेज करत आहेत, त्यांना हेडगेवार आणि गोळवलकर यांना स्थापित करायचं आहे. मी माझ्या प्रत्येक शब्दावर आणि वाक्यावर ठाम असते बोललेला शब्द मागे घ्यायला मी काही चंद्रकांत पाटील नाही”
