विजय ढालवे,दहिवडी : राष्ट्रवादी काँग्रेस शरदचंद्र पवार पक्षाच्या वतीने चौथी यादी जाहीर करण्यात आलेली आहे. यापूर्वी पक्षाने तीन याद्या जाहीर केल्या होत्या. पहिली यादी २४ ऑक्टोबर २०२४ रोजी जाहीर करण्यात आलेली होती. त्यामध्ये ४५ उमेदवारांचा समावेश होता. दुसरी यादी २६ ऑक्टोबर २०२४ रोजी २२ उमेदवारांची जाहीर करण्यात आलेली होती. तर तिसरी यादी २७ ऑक्टोबर २०२४ रोजी जाहीर करण्यात आलेली होती. त्यामध्ये ९ उमेदवारांचा समावेश होता. चौथी यादी २८ ऑक्टोबर रोजी जाहीर करण्यात आलेली आहे. यामध्ये ७ उमेदवारांचा समावेश आहे.
सोमवारी जाहीर करण्यात आलेल्या यादीमध्ये माण विधानसभा मतदारसंघातून प्रभाकर घार्गे यांना उमेदवारी जाहीर करण्यात आलेली आहे. काटोल विधानसभा मतदारसंघातून सलील अनिल देशमुख, खानापूर विधानभा मतदारसंघातून वैभव सदाशिव पाटील, वाईमधून अरुणादेवी पिसाळ, दौंडमधून रमेश थोरात, पुसदमधून शरद मैंद, सिंदखेडातून संदीप बेडसे यांना उमेदवारी जाहीर करण्यात आलेली आहे.
